धनगढी । अखिल नेपाल राष्ट्रिय स्वतन्त्र विद्यार्थी युनियन (छैठौं) ले कैलालीको मालाखेतिस्थित ग्वासी माविमा संगठन निर्माण गरेको छ । अखिल (छैठौं) का कैलाली जिल्ला अध्यक्ष तथा केन्द्रीय सदस्य हेमराज भट्ट र सुदूरपश्चिम प्रदेश सहसचिव टंक अवस्थिको बिशेष उपस्थितीमा भएको एक भेलाले विद्यालय इकाइ समिति गठन गरेको हो ।

नविन बोगटीको अध्यक्षतामा गठित मूल इकाइ समितिको उपाध्यक्ष सुरेन्द्र खड्का, सचिव रमेश भाट, सहसचिव अंकित ऐर र कोषाध्यक्षमा दिपा पाण्डे रहनुभएको छ । सदस्यहरुमा ममता खत्री, मनिषा भट्टराई, वसन्ती खत्री, इन्द्रा भट्टराई, आशिष ताम्राकार, महिमा चौधरी, पुर्णीमा जोशी, पुजा नेपाली, नरेश ठकुरी, पुनम देउवा, मेनुका साउद, लक्ष्मी पनेरु, ललीत मल्ल, देवकी वडु, पुजा वड, सपना वड, खिमा भण्डारी र मेनका चौधरी रहनुभएको छ ।

संगठन निर्माण गर्न राष्ट्रिय जनमोर्चाका जिल्ला सदस्य हर्क विकको विशेष सहयोग रहेको अखिल (छैठौं) कैलालीले जनाएको छ । जिल्ला सम्मेलनको तयारीका क्रममा अखिल (छैठौं) ले जिल्लाका विभिन्न स्थानमा संगठनात्मक अभियान सञ्चालन गरिरहेको छ । अखिल (छैठौं) कैलालीको जिल्ला सम्मेलन यही माघ २५ गते हुँदैछ ।