तिलक थापा, बागलुङ ।
बागलुङमा राष्ट्रिय जनमोर्चासहित विभिन्न जनवर्गीय संगठनहरुले सयुक्त वनभोजसहित भेला सम्पन्न गरेका छन् । बलेवा एयरपोर्टमा सम्पन्न बागलुङ नगरस्तरीय वनभोज तथा भेलाबाट ति जनवर्गीय संगठनका नगरसमितिहरु पुनर्गठन गरिएको छ ।

संयुक्त भेलालाई राष्ट्रिय जनमोर्चाका नेता तथा गण्डकी प्रदेश मामिला सभापति कृष्ण थापा, राजमो परिषद् सदस्य तथा अखिल नेपाल युवक संघका पूर्व अध्यक्ष तिलक थापा, अखिल नेपाल महिला संघका केन्द्रीय उपाध्यक्ष लक्ष्मी बास्कोटा लगायत नेताहरुले सम्बोधन गर्नुभएको थियो ।

वनभोज कार्यक्रममा राष्ट्रिय जनमोर्चा बागलुङका उपाध्यक्ष धर्म कुँवर, राष्ट्रिय जनमोर्चा बागलुङका सदस्य लोकनाथ शर्मा, थानेश्वर सुवेदी, योगेन्दराज पौडेल, अखिल नेपाल महिला संघका केन्द्रीय सदस्य ईन्दिरा शर्मा, अखिल नेपाल ट्रेड युनियन महासंघ (अन्टुक) का केन्द्रीय सदस्य बिष्णु अधिकारी, अखिल नेपाल शिक्षक संघका केन्द्रीय सचिव कृष्ण आचार्य, अखिल नेपाल राष्ट्रिय उद्योग व्यापार संघ बागलुङका टेक बहादुर क्षेत्री, राष्ट्रिय जनमोर्चा पर्वतका सचिव बालकृष्ण शर्मा, राष्ट्रिय जनमोर्चा बागलुङ नगरपालिका–१२ का अध्यक्ष घनश्याम बिक, वडा नं १३ का अध्यक्ष भैर बहादुर रोका, वडा नं १४ का अध्यक्ष रामबहादुर खड्का लगायतको आतिथ्यता रहेको थियो ।

कार्यक्रममा विभिन्न जनवर्गीय संगठनहरुको छुट्टाछुट्टै भेला सम्पन्न भएका छन् । भेलाले बागलुङ नगरमा जनवर्गीय संगठनहरुको पुनर्गठन गरेको छ । जसमा अखिल (छैठौं)को भेलाले बिमा कुमारी जोल्मीको अध्यक्षतामा १३ सदस्यीय नगर समिती गठन गरेको छ । अखिल नेपाल शिक्षक संघको भेलाले ईश्वरी शर्माको अध्यक्षतामा ९ सदस्यीय नगर समिति चयन गरेको छ भने रक्तिम साँस्कृतिक अभियानको भेलाले शिल्पा कार्किको अध्यक्षतामा ७ सदस्यीय नगर समिति चयन गरेको छ ।

यसैगरी, जातीय समता समाजको भेलाले घनश्याम बिकको अध्यक्षतामा ९ सदस्यीय नगर समिति गठन गरेको छ । यता, अखिल नेपाल किसान महासंघको भेलाले पनि नगर समिति पुनर्गठन गरेको छ । भेलाले ढुन्डिराज शर्माको अध्यक्षतामा ९ सदस्यीय समिति चयन गरेको हो ।

वनभोज कार्यक्रम अखिल नेपाल किसान संघ बागलुङका जिल्ला सदस्य ढुण्डीराज पौडेलको अध्यक्षता, प्रगतिशील पत्रकार संघका केन्द्रीय सदस्य तारा प्रसाद शर्माको सञ्चालन र वनभोज व्यवस्थापन समितिका संयोजक सञ्जाल शर्माको स्वागत मन्तव्यमा अघि बढेको थियो ।