दिनेश रैदास, दाङ ।
राष्ट्रिय जनमोर्चा घोराही नगर समितिले विश्व कम्युनिस्ट आन्दोलनका महान पुरुष एवम् चिनियाँ कम्युनिस्ट नेता माओत्सेतुङको १३०औँ जन्मजयन्ती मनाएको छ ।
कार्यक्रममा प्रमुख अतिथि राष्ट्रिय जनमोर्चा केन्द्रीय सदस्य तथा दाङ जिल्ला अध्यक्ष गणेश आचार्यले समसामयिक राजनीति, विश्व कम्युनिस्ट आन्दोलनमा माओको योगदान लगायत विषयमा आफ्नो विचार राख्नुभएको थियो ।
राजमो घोराही नगर उपाध्यक्ष चन्द्रबहादुर रावतको अध्यक्षतामा भएको कार्यक्रममा स्वागत अखिल नेपाल ट्रेड युनियन घोराही नगर अध्यक्ष भिमकान्त पन्तले गर्नुभएको थियो भने सञ्चालन राजमो जिल्ला घोराही नगर सचिव मनिराम खनालले गर्नु भएको थियो।
कार्यक्रममा अखिल नेपाल युवक संघका पूर्व केन्द्रीय अध्यक्ष काशीनाथ पोखरेल, ओमन नेपाली एकता समाजको अध्यक्ष छविलाल बस्नेत, अन्तर्राष्ट्रिय नेपाली एकता समाजका महासचिव लुमाकान्त पुन र राजमो जिल्ला सदस्य सुशील पोख्रेल लगायतले सम्बोधन गर्नु भएको थियो ।
