बुटवल । रुपन्देहीका प्रहरी नायब उपरीक्षक (डीएसपी) ठगबहादुर केसी पक्राउ परेका छन् । उनको निवासबाट ३५ तोला सुन र २५ लाख रुपैयाँ नगदसमेत बरामद भएको प्रहरीले जनाएको छ ।

प्रहरीको केन्द्रीय अनुसन्धान ब्युरो सीआईबीले अवैध सुनसहित उनलाई नियन्त्रणमा लिएको जानकारी दिएको छ ।

बुटवलका एक व्यापारीले ल्याएको सुन नियन्त्रणमा लिएर आफैँले राखेको गुनासोपछि प्रहरी प्रधान कार्यालयले सीआईबीको टोली पठाएको थियो ।

इलाका प्रहरी कार्यालय बुटवलका प्रमुखसमेत रहेका केसीले सुन कारोबारसम्बन्धी मुद्दामा रकम असुलेको आरोप लागेको छ । सो विषयमा अनुसन्धान गर्न सीआईबीको टोली बुटवल आएको थियो।