– हेम बिजी
हल्लियो संसद् भवन
हलचल मच्चियो सांसदहरूमा
केवल
संसदमा एउटा सांसद पुग्दा
तर्सियो सिंहदरबार
थर्कियो सिंहदरबार ।
भोट भड्काउन
खोज्दै थिए प्रतिगामीहरू
विजय बिथोल्न
खोज्दै थिए साम्राज्यवादीहरू
र गिलास गिराउन
खोज्दै थिए देशी विदेशी दुस्मनहरू
तर पनि
गिराउन सकेनन् गिलास
बिथोल्न सकेनन् विजय
त्यसैले
एउटा जित जनताकै भयो
एउटा जित गिलासकै भयो
एउटा जित गिलास चिह्न उम्मेदवारकै भयो
आखिर
विजय बिथोल्न खोज्ने बैरीहरू
आफै भए बेहोस ।
हजारौँ
शङ्ख र घन्टीका आवाजले भन्दा
एउटै चट्याङको आवाजले
आकाश थर्काइदिन्छ
हजारौँ
बत्ती र जुनकिरीका उज्यालोले भन्दा
एउटै चन्द्रमाको उज्यालोले
धर्ति चम्काइदिन्छ
त्यसैले
देश उज्यालो बनाउन
देशद्रोही विरुद्ध आवाज उठाउन
एउटा सांसद
एउटा चन्द्रमा जस्तै भए पुग्छ
एउटा चट्याङ जस्तै भए पुग्छ ।
अब
भ्रष्टाचारीको भाग्य मेटिने भयो
लुटेराको लक्ष्य नासिने भयो
देश बेच्नेको
जिन्दगी वबचैन हुने भयो
गणतन्त्र मास्ने
र संविधान मिच्नेको निन्द्रा
निलम्बित हुने भयो
किनकि
एउटा गिलास संसद्मा पुग्यो
अर्थात्
संसदमा एउटा सांसद पुग्दा
हल्लियो संसद भवन
हलचल मच्चियो सांसदहरूमा
केवल
संसदमा एउटा सांसद पुग्दा
थर्कियो सिंहदरबार
तर्सियो सिंहदरबार ।
