काठमाडौं । काठमाडौंमा स्कुल बसको ठक्करबाट एक सशस्त्र प्रहरीको ज्यान गएको छ ।
Advertisement
बल्खुबाट चोभारतर्फ गइरहेको इण्डियन मोडर्न स्कूलको ना. १क १६१२ नम्बरको बसले कीर्तिपुर–६ स्थित सशस्त्र प्रहरी गण अगाडिको मूल सडकमा ठक्कर दिँदा २९ वर्षीय सुवासचन्द्र रतेलाको ज्यान गएको हो ।
उनको बयोधा अस्पतालमा उपचारको क्रममा मृत्यु भएको प्रहरीले जनाएको छ । बझाङको जयपृथ्वीबहादुर नगरपालिका कोटेली–५ निवासी रतेला सशस्त्र प्रहरी केन्द्रीय कार्यालय हलचोकमा कार्यरत थिए ।
बस चालक मनजित सिंहलाई महानगरीय प्रहरी वृत्त कीर्तिपुरले नियन्त्रणमा लिएको छ ।
