काठमाडौं । राष्ट्रिय स्वतन्त्र पार्टीले हालसम्म तीन जना प्रतिनिधि सभा सदस्य जितेको छ । काठमाडौं २, ७ र ८ मा सो दलले जित निकालेको हो ।
काठमाडौं ७ मा सो पार्टीबाट उम्मेदवार बनेका गणेश पराजुली विजयी भएका छन् । उनले नेकपा एमालेका श्याम घिमिरेलाई पराजित गरेका हुन्।
उता, सत्ता गठबन्धनका तर्फबाट उम्मेदवार बनेकी मानुषी यमि भट्टराई भने तेस्रो स्थानमा सीमित भएकी छिन्।
काठमाडौं २ बाट सोही पार्टीका उम्मेदवार सोविता गौतम विजयी भएकी छन् । गौतमले १५१२९ मत प्राप्त गरेकी छन् ।
उनका प्रतिस्पर्धी एमालेका मणिराम फुयाँलले ११ हजार ५५५ मत प्राप्त गरे ।
तेस्रो स्थानमा रहेकी राप्रपाकी कुन्ती पोखरेलले ११ हजार १४ मत प्राप्त गरिन् ।
गठबन्धनको तर्फबाट उम्मेदवार बनेकी नेकपा ९माओवादी केन्द्र० की उम्मेदवार ओनसरी घर्ती ९ हजार ४४७ मतसहित चौथो स्थानमा पुगेकी छन् ।
यस्तै, क्षेत्र नं ८ मा राष्ट्रिय स्वतन्त्र पार्टीका विराजभक्त श्रेष्ठ विजयी भएका छन् ।
बुधबार बिहान सम्पन्न मतगणना अनुसार श्रेष्ठले १० हजार १०५ मत ल्याएर विजयी भएका हुन् ।
यस्तै, हाम्रो नेपाली पार्टीका उम्मेदवार सुमन सायमीले ५ हजार ८८९ मत ल्याएका छन्।
पर्यटनमन्त्री समेत रहेका नेकपा ९एकीकृत समाजवादी० का जीवनराम श्रेष्ठले ४ हजार ८७७ मत ल्याएका छन् ।
