काठमाडौं । ललितपुर निर्वाचन क्षेत्र नं २ अन्तर्गत प्रदेशसभा १ मा नेकपा (एमाले) विजयी भएको छ । आज सम्पन्न मतगणनामा एमाले उम्मेदवार रामेश्वर श्रेष्ठ विजयी भएका निर्वाचन आयोगले जनाएको छ ।

श्रेष्ठले कुल ८ हजार २९८ मत प्राप्त गरे । उनका निकटतम प्रतिद्वन्द्वी राष्ट्रिय प्रजातन्त्र पार्टीका धनराम केसीले ६ हजार ८५१ मत प्राप्त गरे । नेपाली कांग्रेसका रिसा श्रेष्ठले ५ हजार ९७३, हाम्रो नेपाली पार्टीका गंगाराम रिजालले ३ हजार १६९ मत प्राप्त गरे ।

त्यसैगरी नेपाल मजदुर किसान पार्टीका महन्त महर्जनले ५८६, स्वतन्त्र उम्मेदवार रुपा सुवेदीले ४४४, जनता समाजवादी पार्टी, नेपालका सुमन खड्काले ३५९ र लोकतान्त्रिक समाजवादी पार्टीका विनोद सिलवालले १५४ र राष्ट्रिय प्रजातन्त्र पार्टी नेपालका राम शाहीले ५६ मत प्राप्त गरे ।