हेम बिजी ##
१.
झुट्टा आश्वासन चुनावमा अब बोल्ने नगर
भुल्दैनन् कोही गुलिया पोका खोल्ने नगर
थाह छ वर्षौंवर्ष देश लुटी लुटी खाएको
जनता झुक्याएर विषमा दुध घोल्ने नगर

२.
रक्सी मासु र पैसामा भोट किन्न नखोज
गाउँको जुठे बाठो भयो भोट दिन्न नखोज
ए नेता हो ? तिम्रा भ्रमहरू सबैले बुझिसके
कोही बिक्दैन जनता पैसा लिन्न नखोज

३.
राष्ट्रवादीहरू विजय हुन् भन्ने चिताउनुपर्छ
नत्र विदेशी अधिनमा जीवन बिताउनुपर्छ
राष्ट्रियता र सार्वभौमिकता बचाउनकै लागि
यो चुनावमा राष्ट्रिय जनमोर्चा जिताउनुपर्छ

४.
ठुला पार्टी नेताहरू भोट माग्न आउने गर्छन्
चुनावमा मात्र मिठा मिठा गीत गाउने गर्छन्
यो निर्वाचनमा राष्ट्रघाती भ्रष्टाचारी हराउनैपर्छ
नत्र विदेशीसँग देश बेच्न साइनो लाउने गर्छन्

५.
मङ्सिर ४ चुनावमा प्रतिगमन फाल्नुपर्छ साथी
संसद् र संविधान टोक्ने मुख टाल्नुपर्छ साथी
जनता जगाउने र देश जोगाउने बेला यही हो
त्यसैले गिलास चिह्नमा भोट हाल्नुपर्छ साथी