रोशन दानी, काठमाडौँ ।
राष्ट्रिय जनमोर्चा काठमाडौँले एक सय एक सदस्यीय निर्वाचन प्रसार प्रचार समित गठन गरेको छ ।
राष्ट्रिय जनमोर्चा काठमाडौँ जिल्ला समितिको २०७९ असोज २९ गते बागबजारमा सम्पन्न भेलाले सो समिति गठन गरेको हो ।
बैठकले काठमाडौँ जिल्ला अध्यक्ष झविन्द्र बेलबासेको संयोजकत्वमा नौ सदस्यीय परिचालन कमिटीसमेत गठन गरेको छ । परिचालन कमिटीअन्तर्गत वेलवासेको संयोजकत्वमा राजमो युवा नेता रोशन दानी, राजेन्द्र शर्मा, छवि खनाल, रमेश पौडेल, ऋतु केसी, लक्ष्मी केसी, पदम रोका र समीर सिंह रहेका छन् ।
नेकपा (मसाल) काठमाडौँ जिल्ला प्रवक्ता जगत्प्रसाद रेग्मीका अनुसार ४ मङ्सिरमा हुने आम निर्वाचनमा पार्टीका लागि काठमाडौँ उपत्यकाभर घरदैलोमार्फत समानुपातिक मत राष्ट्रिय जनमोर्चालाई माग्ने निर्णयसमेत भएको बताए ।
प्रवक्ता रेग्मीले राष्ट्रिय जनमोर्चा देशमा भएका बेथिति, भ्रष्टाचार अन्त्यका लागि लड्ने पार्टी भएको चर्चा गरे । देशमा राष्ट्रिय जनमोर्चाले एमसिसी र नागरिकता विधेयकको पक्षमा खुलेरै विरोध गर्ने पार्टी भएकै कारण राष्ट्रिय जनमोर्चालाई आम जनताले विश्वास गरी गिलास चिह्नमा मतदान गरी विजयी बनाउने विश्वास व्यक्त गरे ।
कार्यक्रममा अखिल नेपाल महिला सङ्घकी केन्द्रीय अध्यक्ष मीना पुन, नेकपा (मसाल) बागमती प्रदेशका प्रवक्ता समीर सिंह, नेकपा (मसाल) काठमाडौँ जिल्ला प्रवक्ता जगतप्रसाद रेग्मीलगायतको उपस्थिति रहेको थियो ।
