बुटवल । रक्तिम सांस्कृतिक अभियानले सञ्चालन गरेको पाँच दिने प्रशिक्षण शुक्रबार समापन गरिएको छ ।

यही असोज ११ गतेदेखि सुरु भएको प्रशिक्षणमा कलाकारहरुलाई गायन, नृत्य, वाद्य्यवादसहित विभिन्न राजनीतिक–सांस्कृतिक प्रशिक्षण दिइएको छ ।

प्रशिक्षण समापनसँगै शुक्रबार बुटवलका सडकमा रक्तिमका कालाकारले सडक सांस्कृतिक कार्यक्रम प्रदर्शन गरेका छन् ।

कार्यक्रममा अभियानका अध्यक्ष गिरीप्रसाद बुढा, उपाध्यक्ष हेमराज आश्रम, महासचिव जीवन शाहीसहित नेता कार्यकर्ता र कलाकारको सहभागिता रहेको छ ।

‘सामन्ती तथा साम्राज्यवादी संस्कृतिको विरुद्ध जनवादी संस्कृतिको झण्डा उठाऔँ’ भन्ने मूल नाराका साथ सञ्चालित प्रशिक्षण कार्यक्रमको उद्घाटन राष्ट्रिय जनमोर्चाका अध्यक्ष चित्रबहादुर केसीले गर्नुभएको थियो ।

• रक्तिमका कलाकारलाई क्रान्तिको झिल्को बन्न अध्यक्ष केसीको आह्वान