धनगढी । सुदूर पश्चिम प्रदेशमा अखिल नेपाल प्रगतिशील लेखक सङ्घ (अन्पा) को प्रदेश सङ्गठन समिति निर्माण भएको छ ।
अन्पाका केन्द्रीय कोषाध्यक्ष बाबुराम आचार्य तथा केन्द्रीय सदस्यहरू तारामणि न्यौपाने र मेर्जन शाहीको उपस्थितिमा २०७९ भदौ २१ का दिन कैलालीको धनगढीमा सम्पन्न भेलाले सो समिति गठन गरेको हो ।
भेलाद्वारा गठित प्रदेश समितिमा अध्यक्ष नव प्रगति (बझाङ) रहनुभएको छ भने उपाध्यक्षमा वीरेन्द्र भण्डारी (बैतडी), सचिवमा दीपिका भट्ट (कैलाली), सहसचिवमा जनक कुँवर (कञ्चनपुर) र कोषाध्यक्षमा अञ्जना श्रेष्ठ (कैलाली) रहनुभएको छ ।
त्यस्तै सदस्यमा डबल बोगटी (डोटी), हेमराज भट्ट (कैलाली), टङ्क अवस्थी (डडेलधुरा) तथा सल्लाहकारमा रामचन्द्र भट्ट, लक्ष्मीप्रसाद सोती र जगत्प्रसाद जोशी रहनुभएको छ । सदस्यको एक स्थान हाललाई रिक्त राखिएको छ ।
भेलापछिको बैठकले अध्यक्ष र सचिवसहितको प्रदेश कार्यालय तथा अध्यक्ष, सचिव र कोषाध्यक्ष रहने गरी सचिवालय गठन गरेको प्राप्त समाचारमा उल्लेख छ ।
बैठकले जिल्ला भेलाको योजना बनाएको पनि बताइएको छ ।
