काठमाडौं । मध्य एशियाली देश काजकस्तानमा विमान दुर्घटनामा १४ जनाको मृत्यु भएको छ । १ सय जना सवार विमान दुर्घटनास्थलबाट ३५ जनाको जिवीतै उद्धार गरिएको छ ।

अलमाटी शहर नजिकै बेक एयर दुर्घटना भएको अन्तर्राष्ट्रिय समाचार एजेन्सी एपीले जनाएको छ । एजेन्सीका अनुसार बेक एयरको जहाज अलमाटि अन्तर्राष्ट्रिय विमानस्थलबाट उड्नासाथ कंक्रिट पर्खाल र एउटा दुईतले घरमा ठोकिँदा दूर्घटना भएको हो ।

विमानमा ९५ यात्री र चालक दलका पाँच सदस्य सवार थिए । विमान अलमाटीबाट काजकस्तानको राजधानी नूर सुल्तानका लागि उडेको थियो ।

सो जहाज मध्यमसाइजको फोकर–१०० ट्वीन टर्बोफ्यान जेट एयरलाइनर भएको जनाइएको छ । यो जहाज बनाउने कम्पनी सन् १९९६ मैं टाट पल्टेर फोकर–१०० उत्पादन रोकेको थियो ।