काठमाडौं । विद्यालयमा कार्यरत कर्मचारीहरुले विभिन्न ८ बुँदे माग राखी काठमाडौं केन्द्रित आन्दोलन सुरु गरेका छन् । बिहीबार काठमाडौंको माइतीघर मण्डलामा उनीहरु धर्ना बसेर आन्दोलन सुरु गरेका हुन् ।
नेपाल विद्यालय कर्मचारी परिषदको अगुवाइमा भएको आन्दोलनमा सहायक लेखापाल र कार्यालय सहयोगीहरुको पारिश्रमिक, विभिन्न सेवा सुविधा, एक पटक स्वतः स्थायी गर्नुपर्ने लगायतका माग अगाडि सारिएको छ ।
यस्ता छन् विद्यालय कर्मचारीका मागहरु
१) पूर्ण सेवा सुविधाको ग्यारेन्टी तत्काल गर्नु पर्ने।
क) विद्यालय कर्मचारी सहायक (लेखापाल) हरूका लागि रू३४ हजार ७३० प्लस २ हजार जम्मा ३६ हजार ७३०।
ख) विद्यालय सहयोगीहरूका लागि रु. २४ हजार २१०प्लस २ हजार जम्मा २६ हजार २१०।
ग) ६० वर्षको उमेर हदका कारण अवकाश गरिएका विद्यालय कर्मचारीहरुका लागि नेपाल सरकारले तत्काल कार्यविधि मार्फत
सम्पूर्ण सेवा सुविधाको प्रबन्ध गरोस,
२) संघीय शिक्षा ऐन/शिक्षा ऐन, २०२८ को संशोधनमा प्रबन्ध गरिनु पर्ने।
क) सामुदायिक विद्यालयमा कार्यरत विद्यालय कर्मचारीहरूलाई दरबन्दीमा समायोजन गरी एक पटकका लागि प्रक्रिया पुयाई
स्वतः स्थायी प्रक्रियामा लगिनु पर्ने।
ख) संघीय शिक्षा ऐन जारी हुँदाका बखतसम्म अविच्छिन्न सेवामा कार्यरत विद्यालय कर्मचारीहरुलाई एक पटकका लागि उमेर
हद नलाग्ने प्रबन्ध गर्नु पर्ने।
ग) ६० वर्ष उमेर पुगेका अवकाश भइसकेका विद्यालय कर्मचारीहरुलाई प्रचलित कानून बमोजिम शिक्षक सरहको सेवा सूविधा उपलब्ध गराई ससम्मान अवकाशको व्यवस्था गर्नु पर्ने।
घ) विद्यालय कर्मचारीहरूलाई उच्च शिक्षा अध्ययनका लागि अध्ययन विदा, सन्तति वृत्ति आदिको प्रबन्ध गरिनुपर्ने।
ङ) विभिन्न समयमा गरिएका सहमति, सम्झौता तथा पटक पटक सर्वोच्च अदालतबाट दिइएको निर्देशन कार्यान्वयनमा ल्याउनु पर्ने।
