सुर्खेत । अखिल (छैठौं) कर्णाली प्रदेशले राष्ट्रघाती नागरिकता विधेयक खारेजीको माग गर्दै मसाल जुलुस प्रदर्शन गरेको छ । सोमबार सुर्खेतको लेक बेसीमा मसाल जुलुस निकालेको हो ।
मसाल जुलुसमा सहभागीहरुले राष्ट्रघाती नागरिकता विधेयक खारेज गर, प्रतिगमनकारी होशियार, एमसीसी सम्झौता खारेज गर, संघीयता खारेज गर, असमान सन्धि खारेज गर जस्ता नारा लागाउँदै नगर परिक्रमा गरेका थिए ।
मसाल जुलुशपछि आयोजित कोणसभालाई अखिल (छैठौं) का केन्द्रीय उपाध्यक्ष गणेश अधिकारीले सम्बोधन गर्दै यदी नेपाली जनताले समयमा नै राष्ट्रघातीहरुलाई ठेगान नलगाउने हो भने यिनीहरूले देशलाई फिजी हुँदै सिक्किम बनाउने बताउनु भयो ।
उहाँले अहिलेको नागरिकता विधेयकले नेपालीहरु नेपाल मै अल्पमत पर्ने र देशको संवेदनशील निकायमा विदेशीको नेतृत्व रहने भएकोले यसको खारेजीको लागि जनता आन्दोलनमा गर्न आउन आह्वान गर्नुभयो ।
अधिकारीले जनताको सडक आन्दोलनले नै संघीयता, एमसीसी र राष्ट्रघाती नागरिकता विधेयक जस्ता सबै प्रकारका राष्ट्रघाती सम्झौता खारेजी हुने बताउनु भयो ।
