जीवन शाही,सुर्खेत।
बिहीबार डिभिजन वन कार्यालय सुर्खेतमा मृत्यु भएका धनीराम लामिछानेका आफन्तले शव बुझ्ने भएकाछन् ।
मृतक लामिछानेको शव आफन्तले नबुझी कार्यालयका सहायक वन अधिकृतसहित चार जना विरुद्व किटानी जाहेरी दिएका थिए ।
शुक्रबार दुईपक्षीय सहमति पछि आफन्तहरूले शव मुचुल्का पश्चात् पोष्टमार्टमको लागि लैजाने तयारी गरिएको छ।
डिभिजन वन कार्यालय भित्रै हिरासतमा मृत्यु भएका लामीछानेको परिवारलाई आवश्यक राहतका लागि कर्णाली प्रदेश सरकारको क्याविनेटमा पेश गर्ने सहमति भएको छ।
त्यस्तै मृतक लामिछानेका दुई छोरीलाई रोजगारीको व्यवस्था गर्ने सहमति भएपछि आफन्तहरू शव मुचुल्का पश्चात् पोष्टमाटको लागि लैजाने तयार भएकाहुन्।
मृतक लामिछानेका छोरीहरूलाई भने एक महिनाभित्र रोजगारीको व्यवस्था गर्ने सहमति भएको छ।
वीरेन्द्रनगर–१३ भूतचोकका ५८ बर्षीय मृतक लामिछाने वन सम्बन्धि मुद्दामा बिहीबार पक्राउ परेका थिए। वन कार्यालयका कर्मचारीहरूले मदन भण्डारी राजमार्ग अन्तरर्गत पर्ने नम्बर गरिएका सालको काठ काटेको आरोपमा पक्राउ गरेका थिए।
मृतक लामिछानेका आफन्तले शुक्रबार सहायक वन अधिकृत कृष्णराम धिताल, फरेष्टर सन्तोष खत्री, वन रक्षक पियूसराज तिवारी र सुरेन्द्र रानाविरुद्व जिल्ला प्रहरी कार्यालय सुर्खेतमा किटानी जाहेरीदिएका थिए।
