जनकपुरधाम । मधेश प्रदेश सरकारले प्रहरी समायोजन नभएको भन्दै केन्द्र सरकारविरुद्ध आन्दोलन गर्ने चेतावनी दिएको छ ।
प्रदेश प्रमुखमार्फत प्रधानमन्त्री शेरबहादुर देउवालाई ध्यानाकर्षण पत्र बुझाउँदै मधेश सरकारले एक साताभित्र प्रहरी समायोजन नभए आन्दोलन गर्ने चेतावनी दिएको हो ।
गृह तथा सञ्चारमन्त्री भरत प्रसाद साहको नेतृत्वमाको मन्त्रीहरु सहितको टोलीले प्रदेश प्रमुख हरि शंकर मिश्रमार्फत प्रधानमन्त्री देउवालाई ध्यानाकर्षण पत्र बुझाएको हो।
प्रहरी हस्तान्तरणको लागि प्रधानमन्त्रीलाई यसअघि नै ज्ञापनपत्रसमेत बुझाइसकेको स्मरण गराउँदै मधेश सरकारले एक साताभित्र प्रहरी समायोजन नगरिए शान्तिपूर्ण अहिंसात्मक आन्दोलन गर्न बाध्य हुने चेतावनी समेत दिइएको छ ।
मधेश सरकारको आयोजनामा जनकपुरधाममा सम्पन्न ६ वटा प्रदेशका गृहमन्त्री स्तरीय भेलाले यथासिघ्र समायोजन हुनुपर्ने माग सहितको घोषणा पत्र समेत जारी गरेको थियो ।
प्रहरी समायोजन नभएको भन्दै मधेश सरकारद्वारा केन्द्र सरकारविरुद्ध आन्दोलनको चेतावनी
