साथी तिमीसँग, युद्ध गर्ने मन छ…
युद्ध होइन,
महायुद्ध गर्ने मन छ
युद्ध अवश्य हुनेछ !
निकट भविष्यमा हुने छ
त्यो हरेक क्षेत्रमा हुनेछ,
पुर्व…
पशुपतिनगर र
कोशीमा हुनेछ,,
मध्य…
सुस्ताअनि
गण्डकमा हुनेछ,
पश्चिम…
गड्डाचौकी र
कालापानी हुनेछ,
युद्ध अवश्य हुनेछ !

ती गोर्खाली जसले
स्वाभिमान जोगाउन, मातृभूमि बचाउन,
सीमा सुरक्षाका लागि
दुश्मनको होस् उडाए,
तिर कमान र खुकुरीको बलमा,
चारकोष पर पुर्याए,
जुन गाथा ब्रम्हाण्डमा
अहिले पनि जिवीत छ,
र्इतिहासका पाना जहाँ
बिरगाथा लेखिएको छ,
मसी सुकेको छैन…
वीरताका कारनामा कसैबाट
लुकेको छैन…
त्यसैले युद्ध त हुनेछ,
अवश्य हुनेछ
हरेक गोर्खालीको
आनी बानीमा हुनेछ,
अन्जानमा होइन,
जानीजानी हुनेछ,
युद्ध अवश्य हुनेछ !

मैले सधैं आदर गर्नु पर्ने,
तिमीले सधैं,
अनादर गर्नु पर्ने,
मैले सम्मान गर्नु पर्ने,
तिमीले अपमान गर्नु पर्ने
मैले गर्ने आदर…
तिमले गर्ने अनादर…
दुईटैको तौल बराबर ?
मैले गर्ने सम्मान
तिमीले गर्ने अपमान
दुईटैको मोल बराबर ?
त्यो कुरा
सम्भब हुन्छ कसरी ?
वास्तबमा तिमीले
मित्रको अर्थ बुझेनौ,
मित्रताको परिभाषा बुझेनौ,
मित्रवत शैली र व्यवहार बुझेनौ,
खासमा
तिमीले केही बुझेनौ

भो ! अब बेला भो !
मित्रताको अर्थ,
बुझाउने बेला भो,
विश्वासघातको
परिभाषा सिकाउने बेला भो…
तिम्रा हरेक हस्तक्षेपको,
हिसाव किताव गर्ने बेला भो,
इंटको जवाफ, पथ्थरले दिने बेला भो
अब केवल युद्ध गर्ने बेला भो

सायद
तिमी लाई लाग्छ
परिणाम तिम्रो हातमा छ,
सारा संसारको बाहुबल
तिम्रो साथमा छ,

बास्तवमा… बिचारमा संकीर्णता,
व्यवहारमा दुष्टता
कपट अनि छल
मात्र तिम्रो हातमा छ,
मलाई थाहा छ
साम… तिम्रो पक्षमा छ,
दाम… तिम्रो पक्षमा छ,
छलछाम…तिम्रो पक्षमा छ,
असमानताको ब्ल्याक होल
अनि दण्ड भेद
सब तिम्रो पक्षमा छ
त्यसैले
तिमी लाई लाग्छ
परिणाम तिम्रो पक्षमा छ,
यो जरुरी छैन, मित्र
परिणाम तिम्रो पक्षमा हुनेछ,
वास्तबमा
परिणाम
सत्यको पक्षमा हुनेछ,
मतलब
मेरो पक्षमा हुनेछ
किनकी
सत्य मेरो पक्षमा छ
त्यसैले बिजय
सुनिश्चित छ,
न्याय, धर्म सब
हाम्रो पक्षमा छ
त्यसैले
युद्ध त हुनेछ
अवश्य हुनेछ,
सत्य र असत्यका बिच हुनेछ,
मान, अपमान,
न्याय र अन्यायका बिच हुनेछ,
बिजयी हमेसा सत्यको हुनेछ
त्यो युद्ध
जहाँ पराजय तिम्रो हुनेछ
तिमी जितेर पनि हार्ने छौ,
त्यतिबेला तिमी एक्लै हुनेछौ,
गोहीको आसु झार्ने छौ,
जस्को कुनै अर्थ हुनेछैन,

जब युद्ध हुनेछ,
जीत मेरो हुनेछ
त्यतिबेला
म जितेर पनि
तिम्रो अस्मिता खोस्ने छैन,
जब तिमी हार्ने छौ,
मरि सकेको
तिम्रो स्वाभिमानलाई घोच्ने छैन,
किनकी तिमी जस्तो
नक्कली पन मसँग छैन,
तिम्रो जस्तो कपटी मन
मसँग छैन
म र तिमीमा त्यही
एउटा महत्वपूर्ण फरक छ

केशवनाथ योगी (एकान्त)