जुमानसिंह केसी,प्युठान ।
राष्ट्रिय जनमोर्चा प्युठानले स्थानीय तहमा निर्वाचित जनप्रतिनिधिहरुका लागि स्वागत सहित प्रशिक्षण कार्यक्रम सम्पन्न गरेको छ ।
बिहिवार प्युठानको खलंगामा विभिन्न स्थानीय तहमा राजमोबाट निर्वाचित जनप्रतिनिधिहरुका लागि प्रशिक्षण कार्यक्रम सम्पन्न गरेको हो ।
कार्यक्रममा राजमो लुम्बिनी प्रदेश अध्यक्ष बोमबहादुर खत्रीले पार्टीले चुनावमा ईमानदार पूर्वक लागेको तर कतिपय स्थानीय तह तथा ठाउँ अनुसार गठबन्धन दलबाट धोका भएको भए पनि समग्रमा सन्तोषजनक रहेको बताउनु भयो।
उहाँले निर्वाचित जनप्रतिनिधिहरु ईमानदार तरिकाले पार्टीको नीति अनुसार काम गर्न निर्देशन दिनु भएको थियो। काम गर्दा सजग र सतर्क भएर काम गर्न समेत अनुरोध गर्नु भएको थियो । उहाँले अहिले सम्म राजमोका निर्वाचित जनप्रतिनिधि, सांसद, मन्त्री कसैले पनि भ्रस्टाचार तथा अनियमितता नगरेको भन्दै छबिलाई बचाउन सबैलाई आग्रह गर्नु भएको थियो।
त्यस्तै, राजमो लुम्बिनी प्रदेश सल्लाहकार सुरेश थापाले प्रशिक्षणात्मक मन्तब्य राख्दै जनतालाई केन्द्र बिन्दुमा राखेर काम गर्न सुझाव दिनु भएको थियो । जनताका काममा खटेर लाग्नु पर्ने बताउदै उहाँले काम गर्दा नीति, नियम कानुनलाई पालाना गरि काम गर्न सकेमा सफल हुने भन्दै लगनशील भएर काम गर्न अपिल गर्नु भएको थियो।
राजमो लुम्बिनी प्रदेश सहसचिव केशवराज आचार्य, मल्लरानी गाउँपालिका अध्यक्ष कृष्णबहादुर खड्का लगाएतका नेताहरुले जनप्रतिनीधिहरुलाई कार्यकल सफलताको सुभकामाना दिनुभएको थियो ।
राजमो प्युठानका सचिव बिदुर मल्लको अध्यक्षतामा भएको कार्यक्रममा राजमो जिल्ला सदस्य सरिता जिसीको स्वागत तथा सहसचिव लालबहादुर राउतले सञ्चालन गर्नु भएको थियो।
