काठमाडौं। अविरल वर्षाका कारण पूर्व–पश्चिम राजमार्गअन्तर्गत नारायणगढ–बुटवल खण्ड अवरुद्ध भएको छ । सो सडक खण्डमा पर्ने तीनवटा डाइभर्सन बाढीले बगाइदिएपछि यातायात अवरुद्ध भएको हो ।
Advertisement
खहरेखोलामा पुल बनाउने क्रममा बनाइएको डाइभर्सन बाढीले बगाइदिएको छ । नवलपुरको मध्यविन्दु नगरपालिका र विनयी त्रिवेणी गाउँपालिकाको सीमाक्षेत्रमा पर्ने पुल निर्माणको क्रममा बनाइएका तीन वटा डाइभर्सन बाढीले बगाएको हो ।
बिहान ६ बजेदेखि भएको सडक अवरुद्धका कारण पश्चिमतर्फ जाने र आउने सवारीसाधनहरु ठप्प रहेका छन् । बाटो खुलाउने प्रयास जारी रहेको प्रहरीले जनाएको छ ।
