कञ्चनपुर । गत वर्षको बेमौसमी वर्षाका कारण धान बालीमा क्षति व्यहोरेका यहाँका किसानले क्षतिपूर्ति रकम पाउने भएका छन् । जिल्ला प्रशासन कार्यालयले धान बालीमा क्षति पुगेका किसानलाई क्षतिपूर्ति रकम उपलब्ध गराउनका लागि स्थानीय तहसँग छलफल गरी रकम बाँडफाँडलाई अगाडि बढाएको छ ।

यही असार २० गते अघि नै क्षतिपूर्तिको रकम स्थानीय तहमार्फत किसानको खातामा पु¥याउनका लागि कार्य भइरहेको छ, सहायक प्रमुख जिल्ला अधिकारी असोककुमार भण्डारीले भन्नुभयो, धान बालीमा क्षति पुगेका किसानलाई क्षतिपूर्ति वाफतको रकम उपलब्ध गराउनका लागि रु १० करोड बजेट आएको छ । क्षतिका आधारमा सरकारबाट क्षतिपूर्तिका लागि आएको रकम वितरण गरिने उहाँले बताउनुभयो ।

धानबालीमा भएको क्षतिको सङ्कलित विवरणअनुसार रु ६० करोड बजेट माग गरेका थियौँ“, उहाँले भन्नुभयो, माग गरे अनुरूपको बजेटभन्दा थोरै मात्रै बजेट आएको छ, आएको बजेटका आधारमा रकम वितरण हुन्छ । उहाँका अनुसार नगदेबालीका रुपमा रहेको तोरी, केरा, तरकारी, उखुलगायतका बालीमा बेमौसमी वर्षाका कारण पुगेको क्षतिका आधारमा सुदूरपश्चिम प्रदेश सरकारले उपलब्ध गराएको एक करोड रुपैयाँ बजेटसमेत वितरण गरिने भएको छ । (रासस)