काठमाडौं । सरकारले गणतन्त्र दिवस २०७९ को अवसरमा १६ जना कैदीको सजाय माफी मिनाह गरेको छ।
सोमवार मन्त्रिपरिषद्का निर्णय सार्वजनिक गर्दै सरकारका प्रवक्ता एवं सञ्चार तथा सूचना प्रविधि मन्त्री ज्ञानेन्द्रबहादुर कार्कीले जेठ १३ र १५ गते बसेको मन्त्रिपरिषद्को बैठकले यस्तो निर्णय गरेको जानकारी दिनुभयो ।
प्रवक्ता कार्कीका अनुसार यस्ता छन् मन्त्रिपरिषद बैठकका निर्णय
बेल्जियमको राजधानी ब्रसेल्समा बि.सं. २०७९ जेठ १८ देखि १९ सम्म आयोजना हुने ग्लोवल समिट २०२२, टर्निङ द टाइट अन चाइल्ड सेक्सुअल अबुस अनलाइन कार्यक्रममा राष्ट्रिय योजना आयोगका मान्य सदस्य सलोनी सिंहलाई सहभागी हुन स्वीकृत प्रदान गर्ने ।
नेपाल बैंक लिमिटेडको स्वामित्वमा सुर्खेत जिल्लामा रहेको जग्गा नेपाल राष्ट्र बैंकलाई लिजमा दिन स्वीकृत दिने ।
गणतन्त्र दिवस २०७९ को अवसरमा उपमाकान्त पराजुलीसमेत १६ जना व्यक्तिहरुको सजाय माफी गर्न सम्माननीय राष्ट्रपति ज्यूसमक्ष सिफारिस गर्ने ।
नेपाली सेनाका प्रधान सेनापति महारथी श्री प्रभुराम शर्मा नेतृत्वको भ्रमण दललाई युनिफिल, लेबनान र यूएनडफ, सिरिया तथा मित्रराष्ट्र संयुक्त राज्य अमेरिकामा भ्रमणमा जान स्वीकृत दिने ।
नेपाल प्रशासनिक प्रशिक्षण प्रतिष्ठानको कार्यकारी समितिको सदस्यमा श्री प्रकाशबहादुर श्रेष्ठलाई मनोनयन गर्ने ।
सुरक्षण मुद्रण विकास समिति गठन तेस्रो संशोधन आदेश २०७९ को दफा ६ को उपदफा ३ क बमोजिम सुरक्षण मुद्रण केन्द्रका कार्यकारी निर्देशक श्री विकल पौडेललाई पदावधि एक पटकको लागि थप गर्ने ।
परोपकार प्रसुति तथा स्त्री रोग अस्पताल थापाथलीमा पदाधिकार रहेका प्रमुख कन्सलटेण्ट अब्स्ट्रेटिक्स एण्ड गाइकोलोजिस्ट डा. जागेश्वर शर्मा गौतमले दिनुभएको राजिनामा स्वीकृत गर्ने ।
लोकसेवा आयोगको सिफारिस बमोजिम निजामति सेवाको राजपत्राङ्कित प्रथम श्रेणीको पदमा नियुक्ति तथा पदस्थापना गर्ने ।
बजेट तथा अर्थ सम्बन्धी विधेयकहरु संघीय संसदमा पेस गर्ने ।
मूल्य अभिवृद्धि कर २४ औँ संशोधन नियमावली २०७९ अन्तशुल्क २३ औँ संशोधन नियमावली २०७९, भन्सा १३ औँ संशोधन नियमावली २०७९ र आयकर १३ औँ संशोधन नियमावली २०७९ स्वीकृत गर्ने ।
प्रवक्ता कार्कीले सुरक्षण मुद्रण विकास समिति गठन तेस्रो संशोधन आदेश २०७९ को दफा ६ को उपदफा ३ क बमोजिम सुरक्षण मुद्रण केन्द्रका कार्यकारी निर्देशक विकल पौडेललाई पदावधि एक पटकको लागि थप गर्ने निर्णय भएको बताउनु भयो ।
त्यस्तै परोपकार प्रसुति तथा स्त्री रोग अस्पताल थापाथलीमा पदाधिकार रहेका प्रमुख कन्सलटेण्ट अब्स्ट्रेटिक्स एण्ड गाइकोलोजिस्ट डा. जागेश्वर शर्मा गौतमले दिनुभएको राजीनामा स्वीकृत गर्ने निर्णय भएको बताउनु भयो ।
