भरतपुर । चितवनको भरतपुर महानगरपालिकाको प्रमुखमा गठबन्धनकी उम्मेदवार रेनु दाहालले अग्रता बढाउँदै लगेकी छन् । ९९ हजार ७ सय ४४ मत गणना सकिँदा रेनुले ३९ हजार ४ सय ७२ ल्याइकी छन्।

झण्डै ९ हजारले अग्रता लिएकी उनलाई नेकपा एमालेका ३० हजार ६ सय ९० मत ल्याएर पछ्याएका छन्। स्वतन्त्र उम्मेदवार जगन्नाथ पौडेलले १२ हजार ८ सय १५ मत ल्याएका छन्।

अहिलेसम्म १ देखि २० वडाको मतगणना सकिएको छ। २१ र २२ को गणना जारी छ। उपप्रमुखमा गठबन्धनकै उम्मेदवार चित्रसेन अधिकारीले ४१ हजार ७ सय १५ मत ल्याएर अग्रता लिँदा एमाले– राप्रपाकी उम्मेदवार हिमला गुरुङले २४ हजार २ सय ९५ मत ल्याएकी छन्।

वडा नम्बर २१ मा कांग्रेसले अग्रता लिएको छ भने २२ मा नेकपा एकीकृत समाजवादीले अग्रता लिएको छ। अब ३८ हजार मत गणना हुन बाँकी छ ।