काठमाडौं । दाङको घोराही उपमहानगरपालिकामा सत्ता गठबन्धनलाई पराजित गर्दै एमालेका नरुलाल चौधरी प्रमुखमा विजयी भएका छन्।
उपमेयरमा पनि एमालेकै हुमा डिसी निर्वाचित भएकी छन्।
चौधरीले गठबन्धनबाट माओवादी केन्द्रका उम्मेदवार हेमराज शर्मा (डायमण्ड) लाई ५ हजार ३६० मतान्तरले पराजित गरेका छन्।
मेयरमा निर्वाचित चौधरीले ३१ हजार ७२८ मत प्राप्त गर्दा शर्माले २६ हजार ३६८ मत ल्याए। ०७४ को निर्वाचनमा पनि उनी काँग्रेका भुपबहादुर डाँगी लाई हराउदै विजय भएका थिए।
डाँगी अहिले उपमेयरमा एमालेकी डिसीसँग ४९ मतले पराजित भएका छन्।
डिसीले ३० हजार ४०३ मत प्राप्त गर्दा डाँगीले ३० हजार ३५४ मत प्राप्त गरेका छन्। पाँच दलिय गठबन्धनलाई हराउँदै नेकपा एमाले नगरप्रमुख र उपप्रमुखसहित १३ वटा वडामा विजयी भएको छ।
जीतपुर सिमरामा माओवादी विजयी
बाराको जीतपुर सिमरा उपमहानगरमा नेकपा एमालेका उम्मेदवारलाई हराउँदै माओवादी केन्द्रका राजन पौडेल निर्वाचित भएका छन्।
उनले १८ हजार ७ सय ४३ मत ल्याए। एमालेकी सरस्वतीदेवी चौधरीले १७ हजार ७ सय ७९ मत ल्याइन्।
पौडेल २०७४ मा प्रमुख पदमै पराजित भएका थिए। त्यसबेला माओवादी केन्द्रले १० वडा जितेको थियो।
यस्तै उपप्रमुखमा भने एमालेका भोला प्रसाद अधिकारी निर्वाचित भएका छन्। अधिकारीले गठबन्धनकी साझा उम्मेदवार मेघा शाहीलाई पराजित गरे।
