शंकर प्रसाद पोखरेल, प्युठान ।
प्युठानको मल्लरानी गाउँपालिकामा राष्ट्रिय जनमोर्चा विजयी भएको छ ।
राजमोका उम्मेदवार कृष्ण वहादुर खड्का ३ हजार ५७६ मतसहित विजयी हुनुभएको हो । उहाँका निकटम प्रतिद्वन्द्वी एमालेका शिवराज रिजालले ३ हजार ८९ मत प्राप्त गर्नुभयो ।
गाउँपालिकामा राजमोको नेतृत्वको गठवन्धन विजयी भएको हो ।
उपाध्यक्षमा गठबन्धनकै नेपाली कांग्रेसका रमेश श्रेष्ठ ३ हजार ३९१ मतसहित विजयी हुनुभयो । उहाँका निकटम प्रतिद्वन्द्वी एमालेका इश्वरा आचार्यले ३ हजार ८२ मत प्राप्त गर्नुभएको छ ।
सोमबार बिहान घोषित अन्तिम मतपरिणाम अनुसार वडा न. १ र २ मा राजमो नेतृत्वको गठबन्धन, ३ मा एमाले तथा ४ र ५ मा नेपाली कांग्रेस नेतृत्वको गठबन्धन विजयी भएका छन् ।
वडा नं. १ चुजाँको वडाअध्यक्षमा राजमोका चिन्त वहादुर राँहु ४१८ मतसहित प्यानलै विजयी भएको छ । उहाँका निकटतम प्रतिस्पर्धी एमालेका खुमानसिंह राँहुले ३५३ मत प्राप्त गर्नुभएको छ ।
वडा नं. २ चुँजामा राजमोकै लेख बहादुर थापा ६६० ल्याएर प्यानलसहित विजयी हुनुभएको छ । उहाँका प्रतिस्पर्धी एमालेका रामु पौडेलले ५७५ मत प्राप्त गर्नुभएको छ ।
वडा नं. ३ धरमपानीमा एमालेका नोमराज पौडेलले ८३६ मत सहित विजयी हुनुभएको छ । उहाँका निकटतम प्रतिस्पर्धी राजमोका शिव पौडेलले ७५५ मत प्राप्त गर्नुभएको छ । सो वडामा अध्यक्षबाहेक ४ जना सदस्य राजमोले जितेको छ ।
वडा नं. ४ खलंगामा नेपाली कांग्रेसका कुमार श्रेष्ठ १ हजार १७७ मत ल्याएर प्यानलसहित विजयी हुनुभएको छ । उहाँका प्रतिस्पर्धी एमालेका गोपाल प्रसाद नकर्मीले १ हजार ५ मत प्राप्त गर्नुभएको छ ।
यस्तै, वडा नं. ५ खैरामा नेपाली कांग्रेसका गोपाल थापा ५०३ मतसहित प्यानलै विजयी हुनुभएको छ ।उहाँका प्रतिस्पर्धी एमालेका राम बहादुर थापाले ४२५ मत प्राप्त गर्नुभएको छ ।
