काठमाडौं । थारु पत्रकार संघ नेपालको केन्द्रीय अध्यक्षमा प्रदीप कुमार लेखी सर्वसम्मत चयन भएका छन्।
नवलपुरको अमलटारीमा हालै सम्पन्न पाँचौ राष्ट्रिय महाधिवेशनबाट प्रदीप कुमार लेखीको नेतृत्वमा २५ सदस्यीय कार्यसमिति सर्वसम्मत रुपमा चयन भएको हो।
समितिको वरिष्ठ उपाध्यक्षमा शन्तकुमार चौधरी (चितवन) निर्वाचित भएका छन्। उपत्यकासहित ७ प्रदेश उपाध्यक्षमा प्रदेश–१ कुलदीप चौधरी (सुनसरी), मधेश प्रदेश प्रतिमा चौधरी (बारा), बागमती प्रदेश किशोर चौधरी सरिखाँ, एशोसिएटमा सहदेव चौधरी (काठमाडौं) र लुम्बिनी प्रदेशमा सञ्जु चौधरी निर्वाचित भएका छन् भने कर्णाली, गण्डकी र सुदूरपश्चिम प्रदेश उपाध्यक्षमा मनोनयन गर्न बाँकी छ।
यस्तै, महासचिवमा लक्ष्मी चौधरी (काठमाडौं) निर्वाचित भएकी छिन् भने उपमहासचिवमा विजय चौधरी (चितवन) निर्वाचित भएका छन्।
यस्तै, सचिव (महिला) मा दिपशिखा चौधरी (दाङ), सचिव (पुरुष)मा लीलानाथ गच्छदार (मोरङ) र कोषाध्यक्षमा कारी महतो (चितवन) चयन भएका छन्।
केन्द्रीय सदस्यहरुमा सबी चौधरी (दाङ) ,धिरेन्द्र चौधरी (बारा), मनोज चौधरी (चितवन), दिनेश कुमार चौधरी (काठमाडौं), राज चौधरी (रुपन्देही), जनक चौधरी (बर्दिया), नवीन चौधरी (बारा), सुमित्रा चौधरी (चितवन) सर्वसम्मत चयन भएका छन्।
बाँकी २ जना केन्द्रीय सदस्य केन्द्रीय कार्यसमितिले मनोनित गर्नेछ।
