केरसिंह अदै, कपिलवस्तु ।
राष्ट्रिय जनमोर्चाले शिवराज नगरपालिकाका विभिन्न वडा तथा टोलमा चुनावी भेला तथा प्रशिक्षणका कार्यक्रम जारी राखेको छ ।
यसै क्रममा नगरपालिकाको वडा नं १ मा राजमोको चुनावी भेला सम्पन्न भएको छ । आइतबार शिवपुरमा मदन विकको अध्यक्षतातथा राजमो जिल्ला सदस्य एवम् शिवराज नगर समिति अध्यक्ष केहरसिंह पुनको उपस्थितिमा भेला सम्पन्न भएको हो ।
भेलामा अखिल नेपाल ट्रेड युनियन महासंघ (अन्टुक) का केन्द्रीय सदस्य तथा राष्ट्रिय जनमोर्चा जिल्ला सल्लाहकार केरसिंह अदै, जातीय समता समाजका केन्द्रीय सल्लाहकार दिलबहादुर विक, किसान संघका केन्द्रीय सदस्य कर्मराज चौधरीले देशको तत्कालीन राजनीतिक परिस्थिति, राष्ट्रिय जनमोर्चाको नीति, स्थानिय निर्वाचनको बारेमा प्रकाश पार्नु भएको थियो ।
भेलाले मदन विकको संयोजकत्वमा २१ सदस्सीय चुनाव प्रचार प्रसार समिति गठन गरेको छ । समितिमा मोहन चौधरी, बोम बहादुर तामाङ, कृष्ण बस्नेत, प्रतिमा विक, कमला पुन, लालबहादुर चौधरी, पुनम लामा, अशोक चौधरी, हर्कबहादुर चौधरी, पुस्पा विक, विनोद चौधरी, थम्मन पुन, राजु विक, गोपाल भट्टराई, होमबहादुर विक, खिमबहादुर बस्नेत, गणेश सुनार, सर्वजित विक, केयर बस्नेत,नवीन बुढा, सुनिल चौधरी रहनु भएको छ ।
त्यस्तै, कर्मराज चौधरीको संयोजकत्वमा ३ सदस्सीय आर्थिक समिति गठन गरिएको छ । समितिको सदस्यमा जीतबहादुर जिसी र केहरसिंह पुन रहनु भएको छ ।
यसैगरी शिवराज नगरपालिका वडा नं. ३ को धनगढवाको सुकुम्बासी टोल र सुनवर्सी पश्चिम टोलमा राजमोको प्रशिक्षण कार्यक्रम सम्पन्न भएको छ ।
कार्यक्रममा ट्रेड युनियनका केन्द्रीय सदस्य तथा राजमो जिल्ला सल्लाहकार केरसिंह अदै, समता समाजका केन्द्रीय सल्लाहका दिलबहादुर विक, राजमो जिल्ला कोषाध्यक्ष चेत नारायण खनाल र अखिल नेपाल वुद्धिजीवि संघका जिल्ला सदस्य छन्दबहादुर केसीले प्रशिक्षण दिनु भएको थियो ।
