केरसिंह अदै, कपिलवस्तु ।
अखिल नेपाल युवक संघ कपिलस्तुको जिल्ला भेला सम्पन्न भएको छ । शनिबार गोरुसिंङ्गेमा भएको भेलाले विजय खनालको अध्यक्षतामा १३ सदस्सीय जिल्ला समिति चयन गरेको छ ।
सचिवमा विनोद पोख्रेल र कोषाध्यक्षमा इर्साद मुसलमान चयन हुनुभएको छ भने सदस्यहरूमा विजय पौडेल, राम बहादुर चमार, अस्लम हुसेन, मुम बहादुर रोका, दीपक यादव, अशोक चौधरी, शेर बहादुर खनाल रहनुभएको छ । समितिको एक स्थान रिक्त राखिएको छ । भेलाले मिना पोख्रेललाई सल्लाहकार चयन गरेको छ भने सल्लाहकारको एक स्थान हाललाई रिक्त राखिएको छ,।
कार्यक्रमलाई सम्बोधन गर्दै युवक संघका केन्द्रीय उपाध्यक्ष चित्र एमसीले वर्तमान राज्य व्यवस्थाले युवाहरूलाई रोजगारी र गास बास कपासको समस्या समाधान गर्न नसक्ने बताउँदै सीमित उपलब्धहिरुको रक्षा गर्दै नयाँ जनवादी क्रान्तिको दिशामा अगाडि बढ्नु पर्ने बताउनु भयो । समाजमा शोषण, कायम रहेको हुँदा संघर्ष पनि जारी राख्नु पर्ने उहाँको भनाई थियो।
युवक संघका जिल्ला अध्यक्ष मिना पोख्रेलको अध्यक्षतामा सम्पन्न जिल्ला भेलाको सञ्चालन विजय पोख्रेल र स्वागत विजय खनालले गर्नु भएको थियो ।
भेलालाई राष्ट्रिय जनमोर्चाका जिल्ला अध्यक्ष दधिराम आचार्य, अखिल नेपाल किसान महासंघका केन्द्रीय उपाध्यक्ष शिव पौडेल, अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदै, जातीय समता समाजका केन्द्रीय सल्लाहकार दिल बहादुर विक, अखिल (छैठौं) कपिलवस्तुका अध्यक्ष सञ्जिला बुढा मगर, रक्तिम सांस्कृतिक अभियान कपिलवस्तुका अध्यक्ष मान बहादुर नेपाली, तराई मधेश जनवादी मोर्चाका केन्द्रीय सदस्य देवेन्द्र केवाटले शुभकामना दिनुभएको थियो ।
भेला पछि बसेको समितिको बैठकले नगरस्तरीय समिति गठन गर्ने, स्थानीय निर्वाचनमा राष्ट्रिय जनमोर्चालाई सहयोग गर्ने निर्णय गरेको छ ।
