शिव पन्थी, प्युठान ।
प्युठानको स्वर्गद्वारी नगरपालिकामा अखिल नेपाल युवक संघ र अखिल नेपाल महिला संघको संयुक्त प्रशिक्षण भेला सम्पन्न भएको छ । स्वर्गद्वारी नगर समितिको संयुक्त प्रशिक्षण भेला स्वर्गद्वारी बहुउद्देश्यीय धर्मशाला भिङ्ग्रीको जलुकेमा बिहीबार सम्पन्न भएको हो ।
भेलामा राष्ट्रिय जनमोर्चाका केन्द्रीय सदस्य एवम् अखिल नेपाल महिला संघ प्युठान जिल्ला अध्यक्ष पद्मा पण्डित, राजमो केन्द्रीय सदस्य एवम् लुम्बिनी प्रदेश सांसद तारा जिसी र अखिल नेपाल युवक संघका अध्यक्ष कृष्ण पाण्डेले प्रशिक्षण दिनुभएको थियो ।
कार्यक्रममा राजमो जिल्ला उपाध्यक्ष ईमान सिंह खड्का, मल्लरानी गाउँपालिका उपाध्यक्ष तथा महिला संघ लुम्बिनी प्रदेश कमिटी सदस्य सरिता जिसि, युवक संघका जिल्ला अध्यक्ष कमल पौडेल, राजमो जिल्ला सचिवालय सदस्य तथा स्वर्गद्वारी नगर पालिका २ का वडा अध्यक्ष मिनराज राना, राजमो प्युठान जिल्ला सदस्य तथा स्वर्गद्वारी नपा ६का वडाअध्यक्ष गिर बहादुर गुरुङ, मूल प्रवाहका केन्द्रीय सदस्य भिम बहादुर थापा लगाएतका नेताहरुको आतिथ्यता रहेको थियो ।
राजमो स्वर्गद्वारी नगर कमिटीका सदस्य तथा स्वर्गद्वारी नपा ६ का वडा सदस्य मोहन गोराथोकीको सन्चालनमा अगाडि बढेको उक्त कार्यक्रमको अध्यक्षता महिला संघ स्वर्गद्वारी नगर अध्यक्ष सुमि गुरुङले गर्नुभएको थियोे ।
