जुमान सिंह केसी, प्युठान (खलंगा) ।
राष्ट्रिय जनमोर्चा मल्लरानी गाउँपालिकास्तरीय प्रशिक्षण तथा चुनावी भेला शनिबार खलंगामा सम्पन्न भएको छ ।
प्रशिक्षण तथा चुनावी कार्यक्रमलाई सम्बोधन गर्दै प्रमुख राजमोका केन्द्रीय सदस्य कृष्ण बहादुर खड्काले आगामी वैशाख ३० गते हुने निर्वाचनमा पार्टीलाई विजय गराउन सबै कार्याकर्तालाई गाउँमा जनताको बिचमा जान आग्रह गर्नु भयो। उहाँले पार्टीले लिएको नीति र विचारलाई सही तरिकाले जनातालाई सुसुचित गराउन आग्रह गर्नुभयो ।
गएको चुनावमा जस्तै पार्टीका उमेदवारलाई जिताउन सबै एक भएर लाग्नु पर्नेमा नेता खड्काले जोड दिनुभयो । उहाँले अब गाउँमा जागीर, विभिन्न प्रलोभन बाँड्न कतिपय पार्टी आउने भन्दै तेस्ता गलत प्रचारको विरोध गर्न समेत आग्रह गर्नु भयो।
एमालेले मल्लरानीमा राजमोको सत्ता खोस्ने कुरा गरेको भन्दै न्याय प्रेमी जनताले साथ र सहयोग गरिरहेकोले कसैले चिच्याउँदैमा केही फरक नपर्ने बताउनु भयो ।
राजमोका लुम्बिनी प्रदेश अध्यक्ष बोम बहादुर खत्रीले पार्टीको नीति, विचार सही भएको भन्दै आफूहरुले चुनाव जित्नु पर्ने बताउनु भयो । कार्यक्रमलाई सम्बोधन गर्दै खत्रीले राजमोको नीति, विचारलाई चिर्न नसकी ब्यक्तिगत गाली गलोज र झुट्टा कुरा गर्दै एमाले लागाएतका पार्टी लागेको उल्लेख गर्दै भ्रम र झुट कहिलेसम्म भन्दै प्रश्न गर्नुभयो । आफ्नो पार्टीलाई तीन टुक्रा पारेर भएको सरकार गुमेको थाहा नपाउने एमालेले अहिले प्युठानमा मसाल सक्ने अभिव्यक्ति दिनु हास्यास्पद भएको बताउनु भयो ।
कार्यक्रममा राजमो नेता आनन्द शर्माले जनताको दुःख सुखमा साथ दिने पार्टी राजमो भएकोले यसैमा सबै जनतालाई गोल्बन्द गर्न कार्यकर्तालाई अपिल गर्नु भयो । देशमा भैरहेको महङी, कालोबजारी र रास्ट्र र राष्ट्रियताको सवालमा जहिले पनि पार्टी देश जनताको पक्षमा बोल्दै आएको भन्दै अन्य ठूला हात्ती पार्टीहरु आत्तालिएको बताउनु भयो ।
मसाल र राष्ट्रिय जनमोर्चालाई समाप्त पार्छु भन्नेहरु आफैँ समाप्त भएर जानेछ्न् भन्दै जनातालाई झुक्याएर सत्तामा जाने खेलमा नलाग्न विपक्षी दलहरुलाई चेतावनी दिनुभयो ।
भेलामा राजमोका लुम्बिनी प्रदेश सहसचिव तथा जिल्ला समन्वय समिति प्युठानका प्रमुख केशवराज आचार्यले जनताका साझा मुद्दामा गम्भीर भएर काम गरेको बताउनु भयो । सोझा जनतालाई हामीले गरेका कतिपय विकासका कामहरु पनि हाम्रो पहलमा भएको भन्ने अत्यन्तै तल झरेर भ्रम छर्ने गरेकोले तेस्ता झुट धेरै समय नटिक्ने बताउनु भयो ।
कार्यक्रममा पार्टीका विभिन्न जनवर्गीय संघसंगठनका प्रतिनिधिहरुको समेत आतिथ्यता रहेको थियो ।
मल्लरानीका सबै वार्डबाट सयौंको संख्यामा अगुवा कार्यकर्ताहरुको सहभागितामा भएको भेलाले सूर्य बहादुर नेपालीको संयोजत्वमा २०१ सदस्यीय चुनावी प्रचारप्रसार समिति समेत निर्माण गरेको छ ।
राजमोका जिल्ला सदस्य अमरध्व्ज रानामगरको स्वागत मन्तव्य रहेको कार्यक्रमको सञ्चालन राजमोका गाउँपालिका सचिव जीवन केसीले गर्नु भएको थियो भने भेलाको अध्यक्षता गाउँपालिका पार्टी अध्यक्ष सूर्य बहादुर नेपालीले गर्नु भएको थियो ।
