दाङ । राष्ट्रिय जनमोर्चाका कार्यकारी अध्यक्ष रश्मिराज नेपालीले वैशाख ३० को स्थानीय निर्वाचनबाट राष्ट्रविरोधिहरुलाई सबक दिनु पर्ने बताउनु भएको छ ।

जनताले राष्ट्रविरोधीलाई सबक नदिने हो भने यो भन्दा पनि गम्भीर प्रकारका राष्ट्रघात हुँदै जाने उहाँदे बताउनुभयो ।
‘पाँच वर्षसम्म जसलाई गाली गरेर समय बित्यो, निर्वाचनमा तिनैलाई विजयी गर्ने हो भने नागरिकको अधिकारको लागि गरेको आन्दोलनको पनि अबमूल्यन हुने उहाँ बताउनु भयो ।

कार्यक्रममा राष्ट्रिय जनमोर्चाका केन्द्रीय उपाध्यक्ष जनकराज शर्माले अहिलेको राज्य सत्ता दलाल पुँजीपतीको हातमा भएकोले त्यसको नेतृत्व गर्ने शक्तिलाई जनताले पराजित गर्नुपर्ने बताउनु भयो । त्यसको लागि आम जनताले विशेष रुपमा ध्यान दिन जरुरी छ भन्नुभयो ।

जनविरोधीलाई ठेगान लगाउने बेला ध्यान नदिने हो भने सधैँभरी उनीहरुको नै हालिमुहाली हुने बताउनुभयो । आम जनताको अवस्था सुधार हुने छैन भन्दै आगामी निर्वाचनबाट जनविरोधीलाई पराजित गर्नु पर्नेमा जोड दिनु भयो ।

त्यस्तै, अखिल नेपाल युवक संघका पूर्व केन्द्रीय अध्यक्ष कासिनाथ पोख्रेल, राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्य, जिल्ला सदस्य दिनमणि आचार्य, सल्लाहकार गुणनिधी शर्मा, अखिल नेपाल शिक्षक संघका केन्द्रीय सदस्य लालबहादुर भण्डारी, अखिल नेपाल महिला संघका सदस्य नारायणी खनाल लगायतले मन्तव्य राख्नु भएको थियो ।

आगामी निर्वाचनको कार्यक्रम अखिल नेपाल युवक संघका केन्द्रीय उपाध्यक्ष चित्र एमसीले प्रस्तुत गर्नु भएको थियो । कार्यक्रममा अखिल नेपाल किसान संघ पालिका उपाध्यक्ष डिल्लिराज खनाल, अखिल नेपाल युवक संघका जिल्ला सदस्य मातृका घिमिरे, अखिल (छैठौं) का जिल्ला सदस्य तृसन केसी, अखिल नेपाल जनजाति सम्मेलनका जिल्ला सदस्य जगदीश चौधरी, जेष्ठ सदस्यद्वय कासिराम यादव र तिलकराम पोख्रेलको आतिथ्यता रहेको थियो ।

यसैगरी तराई मधेश जनवादी मोर्चाका जिल्ला सदस्य रामाधार यादव, राष्ट्रिय जनमोर्चा वडा नम्बर १ का अध्यक्ष भरत अधिकारी, ४ का अध्यक्ष चिन्तामणि पोख्रेल, ५ का अध्यक्ष गिरिराज भट्टराई, ६ का अध्यक्ष भोजराज खनाल लगायत सबै वडाका अध्यक्षहरुको आतिथ्यता रहेको थियो ।

पालिका उपाध्यक्ष नवराज शर्माको स्वागत मन्तव्यबाट सुरु भएको कार्यक्रमको सञ्चालन सचिव टुकमान कुँवर र अध्यक्षता पालिका अध्यक्ष कपिलदेव खनालले गर्नु भएको थियो । भेलाले गुणनिधी शर्माको संयोजकत्वमा ५ सदस्यीय निर्वाचन परिचालन समिति र चित्र एमसीको संयोजकत्वमा २५१ सदस्यीय प्रचारप्रसार समिति गठन गरेको छ ।