बागलुङ । बागलुङको काठेखोला गाउँपालिकामा राष्ट्रिय जनमोर्चाको चुनावी भेला भएको छ । आइतबार तंग्राममा स्थानीय निर्वाचन सम्बन्धी विभिन्न निर्णय गर्दै भेला सम्पन्न भएको छ ।
प्रशिक्षण भेलाको उद्घाटन राष्ट्रिय जनमोर्चा गण्डकी प्रदेश सदस्य तिलक थापाले गर्नु भएको थियो । कार्यक्रममा रक्तिम सांस्कृतिक अभियानका केन्द्रीय सचिव हेमराज आश्रम, अखिल नेपाल बुद्धिजीवी संघका केन्द्रीय सदस्य कमला थापा, जातीय समता समाज बागलुङका सदस्य भिम विक, अखिल नेपाल जनजाती सम्मेलन बागलुङका उपाध्यक्ष ओम बहादुर पुन लगायत नेताहरूले शुभकामना मन्तब्य राख्नु भएको थियो ।
भेलाले स्थानीय निर्वाचनका लागि लक्ष्मण पुनको संयोजकत्वमा ९ सदस्यीय निर्वाचन परिचालन समिति गठन गरेको छ । यस्तै, टिकासंगम विकको संयोजकत्वमा १७ सचिवालय रहेको ५०१ सदस्यीय निर्वाचन प्रचारप्रसार समिति, ओमम पुनको संयोजकत्वमा ५ सदस्यीय आर्थिक समिति र पूर्ण बहादुर थापाको संयोजकत्वमा १३ सचिवालय रहेको १०१ सदस्यीय स्वंयसेवक परिचालन समिति चयन गर्नुका साथै चैत १८ गते सम्म वडा तथा टोल स्तरीय भेला सम्पन्न गर्ने निर्णय गरेको छ ।
कार्यक्रम राष्ट्रिय जनमोर्चा काठेखोलाका अध्यक्ष लक्ष्मण पुनको अध्यक्षता, सचिव टिकासंगम विकको सञ्चालन र उपाध्यक्ष पूर्ण बहादुर थापाको स्वागत मन्तव्यमा सम्पन्न भएको थियो ।
