दाङ । राष्ट्रिय जनमोर्चा गढवा गाउँपालिकाका विभिन्न वडाहरुको प्रशिक्षण सम्पन्न भएको छ । वडा नम्बर १, २ र ३ को वनघुर्सीमा र ४, ५ , ६ र ७ को गढवामा प्रशिक्षण कार्यक्रम सम्पन्न भएको राजमो दाङले जनाएको छ ।
कार्यक्रममा राष्ट्रिय जनमोर्चाका कार्यकारी अध्यक्ष रस्मिराज नेपालीले गणतन्त्र र राष्ट्रियताको रक्षा आजको महत्त्वपूर्ण विषय भएको बताउनु भयो । एमालेको नेतृत्वमा गणतन्त्र समाप्त पार्ने प्रयत्न र काङ्ग्रेसको नेतृत्वमा राष्ट्रियता समाप्त पार्ने योजनामा रहेको उहाँले बताउनु भयो ।
प्रशिक्षण कार्यक्रममा राष्ट्रिय जनमोर्चा लुम्बिनी प्रदेश सल्लाहकार सुरेश थापा र जिल्ला अध्यक्ष गणेश आचार्यले सैद्धान्तिक, राजनीतिक र सांगठनिक विषयमा प्रशिक्षण दिनु भएको थियोे । वनघुर्सिको कार्यक्रमको अध्यक्षता भरत अधिकारीले गर्नु भएको थियोे भने गढवाको कार्यक्रमको अध्यक्षता कपिलदेब खनालले गर्नु भएको थियोे ।
कार्यक्रममा राष्ट्रिय जनमोर्चा जिल्ला सल्लाहकार गुणनिधी शर्मा, जिल्ला सदस्य नवराज शर्मा, अखिल नेपाल शिक्षक संघका जिल्ला अध्यक्ष रुमाल बस्यालले सुभकामना मन्तब्य राख्नु भएको थियोे ।
गढवाको कार्यक्रमको सञ्चालन पालिका सचिव टुकमान कुँवरले गर्नु भएको थियोे भने वबनघुस्रीको कार्यक्रमको सञ्चालन अखिल नेपाल युवक संघका केन्द्रीय उपाध्यक्ष चित्र एमसीले गर्नु भएको थियोे ।
