बागलुङ बजार । राष्ट्रिय जनमोर्चा काठेखोला गाउँपालिका र राष्ट्रिय जनमोर्चा तङ्ग्राम बागलुङको आयोजनामा श्रद्धाञ्जली कार्यक्रम सम्पन्न भएको छ ।
काठेखोला गाउँपालिका वडा नं. ४ तङ्ग्राम फापरखेत निवासी अखिल नेपाल जनजाति सम्मेलन बागलुङका सदस्य तथा राष्ट्रिय जनमोर्चा काठेखोलाका सदस्य थमबहादुर पुन, साथै समाजसेवी यामबहादुर पुन र जगत्बहादुर पुनका आमा अमृता पुनको निधन भएपछि सो कार्यक्रम सम्पन्न भएको हो ।
९१ वर्षीय आमा अमृताको २०७८ फागुन १ गते भएको निधनमा शोक व्यक्त गर्दै सातौँ दिन फागुन ७ गते आयोजित सो कार्यक्रममा राजमो काठेखोलाका अध्यक्ष लक्ष्मण पुन र सचिव टीकासङ्गम विकले श्रद्धाञ्जली मन्तव्य राख्नुभएको थियो ।
कार्यक्रममा राजमो बागलुङका अध्यक्ष अमर थापा, गण्डकी प्रदेश सदस्य तिलक थापा, रक्तिम सांस्कृतिक परिवारका केन्द्रीय सचिव हेमराज पुन, अखिल नेपाल बुद्धिजीवी सङ्घका केन्द्रीय सदस्य कमला थापा, अखिल नेपाल जनजाति सम्मेलन बागलुङका उपाध्यक्ष ओमबहादुर पुन, राजमो गलकोटका सचिव लालबहादुर राना, जातीय समता समाज बागलुङका सदस्य भीम विक, अखिल नेपाल भूतपूर्व सैनिक सङ्घ बागलुङका सचिव थिरबहादुर राना, राजमो तङ्ग्रामका अध्यक्ष विष्णु कँडेल र सदस्य भीम जोल्मीलगायतले श्रद्धाञ्जली दिनुभएको थियो ।
त्यसै गरी आजै तङ्ग्राम गैराघरमा राजमो शुभचिन्तक नरबहादुर पुनका श्रीमती रजमति पुनको २०७८ फागुन ३ गते उपचारको क्रममा भएको निधनप्रति शोक व्यक्त गर्दै चौथो दिन फागुन ७ गते श्रद्धाञ्जली कार्यक्रम सम्पन्न भएको छ ।
कार्यक्रममा राजमो बागलुङका अध्यक्ष अमर थापा, गण्डकी प्रदेश सदस्य तिलक थापा, राजमो काठेखोलाका अध्यक्ष लक्ष्मण पुन, रक्तिम सांस्कृतिक परिवारका केन्द्रीय सचिव हेमराज पुन, अखिल नेपाल बुद्धिजीवी सङ्घका केन्द्रीय सदस्य कमला थापा, अखिल नेपाल जनजाति सम्मेलन बागलुङका उपाध्यक्ष ओमबहादुर पुन, राजमो गलकोटका सचिव लालबहादुर राना, जातीय समता समाज बागलुङका सचिव टीकासङ्गम विक, अखिल नेपाल भूतपूर्व सैनिक सङ्घ बागलुङका सचिव थिरबहादुर राना, राजमो तङ्ग्रामका अध्यक्ष विष्णु कँडेल, सदस्य भीम जोल्मी, अखिल नेपाल महिला सङ्घकी शशिमाया थापालगायतले श्रद्धाञ्जली दिनुभएको थियो ।
