काठमाडौं । अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) खारेजीको माग गर्दै बुधबार देशभर विरोध प्रदर्शन गरिएको छ ।
त्यसक्रममा कतिपय जिल्लामा आठ राजनीतिक दल तथा मोर्चाको आयोजनामा प्रदर्शन गरिएको छ भने केही जिल्लामा राष्ट्रिय जनमोर्चा एक्लैले विरोध प्रदर्शन र सभाको आयोजना गरेको छ ।
सुर्खेतमा संयुक्त सभा
एमसीसी सम्झौताको विरुद्व नेपाल कम्युनिष्ट पार्टी ९मसाल० लगाएत आठ राजनीतिक दलहरूसहितको कार्यक्रम अन्तरगत कर्णाली प्रदेशको राजधानी सुर्खेतको वीरेनद्रन्गरीिथत वीरेन्द्रचोकमा विरोध सभा सम्पन्न गरिएको छ ।
राष्ट्रिय जनमोर्चाको पार्टी कार्यालयबाट सुरु भएको जुलुश मंगलगढी चोक हुँदै बजार परिक्रमण गरी वीरेन्द्रचोकमा पुगेर सभामा परिणत भएको थियो । कार्यक्रम नेकपा (मसाल) का बिष्णु प्रसाद शर्मा, नेपाल कम्युनिष्ट पार्टी (क्रान्तिकारी माओवादी) का कर्ण बिसी, नेपाल कम्युनिष्ट पार्टीका ध्रुव, वैज्ञानिक समाजवादी कम्युनिष्ट पार्टी नेपालका यमन विक, नेकपा माओवादी केन्द्र समाजवादीका कृष्ण बोहरा, राष्ट्रिय जनमोर्चाका जिल्ला अध्यक्ष गोविन्द प्रसाद सुवेदीदी, देशभक्त जनगणतान्त्रिक मोर्चा नेपालका नारायण न्यौपाने लगाएतले सम्बोधन गर्नुभएको थियो ।
राष्ट्रिय जनमोर्चा जिल्ला सचिव लालबहादुर नेपालीको सञ्चालनबाट अघि बढेको विरोध कार्यक्रममा राष्ट्रिय जनमोर्चाका केन्द्रीय सदस्य रत्नविक्रम राना प्यासी, नेपाल कम्युनिष्ट पार्टीका एटम बिसीको सहितका नेताहरुको सहभागिता रहेको थियो ।
रौतहटमा राजमोको प्रदर्शन
हरिप्रसाद सापकोटा बारा । यता, रौतहटमा एमसीसीविरुद्ध राष्ट्रिय जनमोर्चाले विरोध प्रदर्शन गरेको छ । राजमो रौतहटले एमसीसीविरुद्ध नारा जुलुस सहित यमुनामाई गाउँपालिकाको झुन्खुनवा चौकमा विरोध सभा गरेको हो ।
सो सभालाई राजमो प्रदेश सदस्य तथा रौतहटका अध्यक्ष हरिकिशोर महतो, तराई मधेश जनवादी मोर्चाका उपाध्यक्ष शेख नुरुल हक, अखिल (छैठौं)का प्रदेश उपाध्यक्ष महमद अतिउल्ला लगायत नेताहरुले सम्बोधन गर्नुभएको थियो ।
त्यस्तै, राजमोले बारा जिल्लाको जितपुर सिमरा–१४ रजघट्टा चोकमा पनि एमसीसी खारेजीको माग गर्दै विरोध सभा सम्पन्न गरेको छ ।
विरोध सभालाई राजमोका केन्द्रीय सदस्य धर्मानन्द सुवेदी, बारा जिल्ला अध्यक्ष जीवन कुमार भट्टराई र नेपाल कम्युनिस्ट पार्टी बैज्ञानिक समाजवादी नेपाल (आहुती बाल) का बारा जिल्ला संयोजक कृष्णदेव चौधरीले सम्बोधन गर्नु भएको थियो । कार्यक्रमको सञ्चालन हरिप्रसाद सापकोटाले गर्नु भएको थियोे ।
डोटीमा जुलुश प्रदर्शन
यता, डोटीमा राष्ट्रिय जनमोर्चा र नेकपाको संयुक्त आयोजनामा विरोध प्रदर्शन गरिएको छ । डोटीको पिपल्ला बजार परिक्रमा गरि नारा जुलुससहित विरोध प्रदर्शन तथा सभा सम्पन्न भएको हो ।
