काठमाडौं । सर्लाहीमा उखु बोकेको ट्रयाक्टरमा रात्री बस ठोक्किँदा २४ जना घाइते भएका छन् । घाइतेमध्ये दुईको अवस्था गम्भीर रहेको प्रहरीले जनाएको छ ।

जिल्ला प्रहरी कार्यालय सर्लाहीका अनुसार गएराति भैरहवाबाट विराटनगर जाँदै गरेको लु २ ख ४७५७ नम्बरको बस हरिवन– ९ सुखेपोखरीमा बिग्रिएर रोकी राखेको उखु लोड गरेको ज २ त ७८१ नम्बरको ट्रयाक्टरमा ठोक्किँदा दुर्घटना भएको हो ।

घाइतेमध्ये एक पुरुष र एक महिलाको अवस्था गम्भीर रहेको प्रहरलिे जनाएको छ । उनीहरूलाई थप उपचारको लागि वीरगन्ज रिफर गरिएको छ ।

अन्य घाइतेको हरिवनमा रहेको नमूना, स्वाभिमान लगायतका अस्पतालमा उपचार भइरहेको छ। बस चालक चालकलाई प्रहरीले नियन्त्रणमा लिएको छ। ट्रयाक्टर चालक भने फरार छन्। बस चालक निदाएका कारण दुर्घटना भएको हुनसक्ने प्रहरीको अनुमान छ ।