रवि पौडेल ##
बासको नाममा पार्टीलाई घर बनाऊ
जनतालाई धोका नदेऊ
जनतालाई नै छानो बनाऊ
खुला सडकमा आन्दोलन गरी
सडक पनि आफ्नै बासस्थान बनाऊ

तीन प्रकार का घर बनाऊ :
पार्टीलाई घर
जनतालाई घर
र सडकलाई घर

पार्टी मजबुत बनाऊ
जनतालाई विश्वास दिलाऊ
सडकमा राँको बाल
ताकि शाषकले सुनोस्
जनताको हक हित रक्षाका लागि
सडक तताऊ

सबै सम्पति पार्टीलाई बुझाऊ
जनताले देख्ने गरी
सडमा ओर्लेर माइक फुक
म सर्वहारा वर्गको मानिस हुँ भनी

श्रमजीवी वर्गको राज्यसत्ता
मजदुर, किसानको हक, हित
उत्पीडन र उत्पीडित
राज्यविहीन र सरकारविहीनताको
अनुभूति नहोस्

लक्ष्य प्राप्तिका लागि
विश्वासघात र बेइमानी
सहन सकिँदैन
नैतिकता र इमानदारिता
एउटा चिनारी बनाऊ

तिमिले तिम्रो घर
पार्टी
जनता
र सडक नै बनाऊ ।