कोटी प्रसाद पोख्रेल, चेन्नई ।
मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गत चेन्नई पश्चिम नगर समितिका सदस्य पदम पौडेलको सम्मानका साथ अन्त्येष्टि गरिएको छ । जनवरी २२ तारिख (शनिबार) निधन भएका नेता पौडेलको हिजै अन्त्येष्टि गरिएको हो ।
प्युठानको बरबोटबाट बसाईं सरी हाल दाङ लमही नगरपालिका-१ मा बसोबास गर्दै आउनुभएको जगत प्रसाद पौडेलका छोरा ४५ वर्षीय पदमको शनिबार ह्रदयाघातका कारण निधन भएको थियो ।
मूल प्रवाहका नेता कार्यकर्ता तथा आफन्तजनको उपस्तिथिमा अम्बतूर डनलब कम्पनीको साम्ने रहेको समसानघाटमा साँझ अन्त्येष्टि गरिएको थियो । त्यस क्रममा उहाँको सम्झनामा एक मिनेट मौन धारण सहित शोक सभा गरिएको थियो ।
शोक सभामा मन्तब्य राख्दै मूल प्रवाह अखिल भारत नेपाली एकता समाजका कोषाध्यक्ष कुल बहादुर थापाले पदम प्रसाद पौडेलले संगठनमा खेलेको भूमिकाप्रति सराहना गर्दै उहँले देखाएको बाटामा दृढतापूर्वक हिँड्ने प्रतिवद्धता व्यक्त गर्नुभयो ।
दक्षिण भारत क्षेत्रीय अध्यक्ष तथा केन्द्रीय सदस्य चन्द्र बहादुर थापा र क्षेत्र सदस्य केसमान नेपालीले पनि शोक मन्तब्य राख्नुभएको थियो । कार्यक्रम क्षेत्रीय सदस्य कोटी प्रसाद पोख्रेलले सन्चालन गर्नू भयको थियो ।
अन्त्येष्टिमा मूल प्रवाहका केन्द्रीय सदस्य मदन शर्मा, क्षेत्रीय कोषाध्यक्ष लोकेन्द्र पौडेल, क्षेत्रीय सदस्य काशी राम शर्मा, लक्ष्मन चालिसे, गोपाल विक, केसमान नेपाली, ज्योती नारायण सुवेदी, कुल प्रसाद कडेल, उमान्नद शर्मा, उमानाथ ढकाल, फूलकुमारी केसी, विक्रम केसी, सुनिता बस्याल, निर्मला पौडेल, देवीकला रिजाल, मया सर्मा, जनसम्पर्क समितिबाट डी कृष्ण आचार्य, प्रवासी संघ भारतबाट सिमा न्युरेलगायत बिभिन्न संघसस्थका प्रतिनिधि, बुद्धीजिवी, कम्पनीका सहकर्मी, र आफन्तजन गरी करिब ११५ जनाको उपस्थिती रहेको थियो ।
मूल प्रवाह अखिल भारत नेपाली एकता समाज दक्षिण भारत क्षेत्रीयले नेता पौडेलप्रति श्रद्धाञ्जली अर्पण गर्दै शोकाकुल परिवारजनमा हार्दिक समवेदना व्यक्त गरेको छ ।
मूल प्रवाह चेन्नई पश्चिम नगर सदस्य पौडेलको ह्रदयाघातबाट मृत्यु
