चेन्नई पश्चिम (भारत) । मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गत चेन्नई पश्चिम नगर समितिका सदस्य पदम पौडेलको हृदयाघातको कारण निधन भएको छ । पौडेलको शनिबार (२२ जनवरी) का दिन निधन भएको हो ।
पौडेलको निधनप्रति मूल प्रवाहले गहिरो दुःख प्रकट गरेको छ । समाजका महासचिव ठाकुर खनालले एक शोक वक्तव्य जारि गरी मृतकप्रति श्रदाञ्जली अर्पण गर्नुका साथै परिवारजनमा गहिरो समवेदना प्रकट गर्नुभएको छ ।
पौडेलको निधनले सिंगो संगठनलाई अपूरणीय क्षति पुगेको महासचिव खनालले बताउनुभएको छ ।
शोक वक्तव्यमा भनिएको छ, ‘मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गत चेन्नई पश्चिम नगर समितिका सदस्य पदम पौडेलको हृदयाघातको कारण निधन भएको समाचारले हामीलाई अत्यन्तै मर्माहत बनाएको छ । उहाँको २२ जनवरी २०२२ का दिन हृदयघातका कारण निधन भएको छ । उहाँ संगठनको एक होनहार, इमान्दार र प्रतिवद्ध सदस्य हुनुहुन्थ्यो ।
संगठनमाथि फूटपरस्त तत्वहरुले हमला गरिरहेको परिस्थितिमा संंगठनप्रति वहाँले उत्तरदायी भई एक योद्धाको रुपमा जिम्मेवारी निर्वाह गर्दै चेन्नई पश्चिममा संगठनलाई बचाउन महत्वपूर्ण भूमिका निर्वाह गर्नुभएको थियो । पदम पौडेलको निधनले सिंगो संगठनलाई अपूरणीय क्षति पुगेको छ । मृतक पदम पौडेलप्रति भावपूर्ण श्रद्धाञ्जली एवं शोकसन्तप्त परिवार जनमा गहिरो समवेदना प्रकट गर्दछौं ।’
