वीरेन्द्रनगर । कर्णाली प्रदेश राजधानी वीरेन्द्रनगर सुर्खेतमा चित्रबहादुर केसी अध्ययन प्रतिष्ठानको प्रथम साधारण सभा सम्पन्न भएको छ ।
साधारण सभाको उद्घाटन २०७८ पुस २७ गतेका दिन नेकपा (मसाल) सुर्खेतका संस्थापक सदस्य एवम् वामपन्थी नेता मोतिप्रसाद मिदुनले गर्नुभएको थियो । सो अवसरमा राष्ट्रिय जनमोर्चाका अध्यक्ष चित्रबहादुर केसीले पठाउनुभएको शुभकामना मन्तव्य वाचन गरिएको थियो ।
कार्यक्रममा राष्ट्रिय जनमोर्चाका जिल्ला अध्यक्ष गोविन्दप्रसाद सुवेदी, अखिल नेपाल बुद्धिजीवी सङ्घका केन्द्रीय सचिव भानुभक्त भारती, अखिल नेपाल शिक्षक सङ्घका पूर्व केन्द्रीय सदस्य पूर्णबहादुर शाही, अखिल नेपाल टेड युनियन महासङ्घ (अन्टुक) का केन्द्रीय सदस्य हिरालाल नेपाली, अखिल (छैठौं) की जिल्ला कोषाध्यक्ष झरना राना र अखिल नेपाल किसान महासङ्घका जिल्ला अध्यक्ष प्रेमबहादुर ठाडाले शुभकामना दिनुभएको थियो ।
साधारण सभाको सञ्चालन प्रतिष्ठानका महासचिव मोहन थापाल, स्वागत कोषाध्यक्ष कृष्णकुमारी रावलले तथा अध्यक्षता प्रतिष्ठान अध्यक्ष रत्नबहादुर राना (प्यासी) को अध्यक्षतामा सम्पन्न भएको थियो ।
उद्घाटन शत्रपछि पूर्णबहादुर शाही, भानुभक्त भारती र मिनबहादुर थापाको अध्यक्षमण्डलका साथ बन्दशत्र सुरु भएको थियो । कार्यक्रमा प्रतिवेदन प्रतिष्ठान अध्यक्ष रत्नबहादुर राना (प्यासी) ले प्रस्तुत गर्नुभएको आर्थिक लेखापरीक्षण आ.व. कोषाध्यक्ष कृष्णकुमारी रावलले गर्नुभएको थियो भने आ.व. २०७८/७९ को अनुमानित बजेट, नीति, कार्यक्रम र प्रतिष्ठानका अध्यक्षले प्रस्तुत गर्नुभएको थियो ।
