बागलुङ । राष्ट्रिय जनमोर्चा, बागलुङले जिल्लाब्यापी कार्यक्रम अन्तर्गत ढोरपाटन नगरपालिकामा जनभेटघाट तथा प्रशिक्षण कार्यक्रम जारी राखेको छ । वडा नं ५, ७, ८ र ९ मा जनभेटघाट तथा प्रशिक्षण कार्यक्रम सम्पन भएको राजमो बागलुङले जनाएको छ ।
सोमवार साविकको बोबाङ गाविसमा भएको कार्यक्रममा राजमो केन्द्रीय सदस्य गौरीश्वर पाण्डे, जिल्ला सदस्य धन बहादुर अदै, नगर अध्यक्ष दीपक थापा लगायतले बोल्नु भएको थियो ।
चन्द्रसिंह कुमाईको अध्यक्षता तथा राम बहादुर कायतको सन्चालनमा सम्पन्न कार्यक्रमको स्वागत पदम बहादुर घर्तीले गर्नुभएको थियो ।
कार्यक्रममा बोल्ने वक्ताहरुले संघीयता, प्रतिगमनको खतरा, जनतामाथि भएको ज्यादती, स्थानीय सरकारले गरेका गलत क्रियाकलाप आदीको बारेका प्रस्ट पारेका थिए ।
मंगलबार ढोरपाटन ५ मा भएको कार्यक्रममा गौरीश्वर पाण्डे, सुनमाया घर्ती, नन्दराम गाौतम लगायतले मन्तव्य राख्नु भएको थियो । यामलाल सापकोटाको अध्यक्षता, तुल्सी खरेलको सन्चालन र सुनमाया घर्तीको स्वागत मन्तव्यमा सम्पन्न भएको थियो ।
