रिसव आचार्य, बुटवल ।
अखिल नेपाल राष्ट्रिय स्वतन्त्र विद्यार्थी युनियन (छैठौं) को लुम्बिनी प्रदेश समितिको अध्यक्षमा सरोजमान सिंह चयन हुनुभएको छ । २०७८ मङ्सिर १७ र १८ गते बुटवलमा सम्पन्न भेलाले सिंहलाई अध्यक्षमा चयन गरेको हो ।
२१ पूर्ण र चार वैकल्पिक रहेको २५ सदस्यीय प्रदेश समितिको उपाध्यक्षमा नवराज चन्द (बाँके), सचिवमा खगेन्द्रा विष्ट (रोल्पा), सहसचिवमा जीवन नेपाली (अर्घाखाँची), कोषाध्यक्षमा नवीन केसी (प्युठान) र सदस्यमा रिसव आचार्य (कपिलवस्तु), सागर बेल्बासे, लक्ष्मण विक, बिमला सापकोटा, सन्जिला बुढा, तृसना श्रीनेत, सागर सुवेदी, केशव बुढाथोकी, दिनेश रैदास, भूपेन्द्र ठडराई, टेकराज भुसाल, विमल खरेल, उषा बिष्ट, लक्ष्मी बन्जाडे, राजु चौधरी र रमेश पुन रहनुभएको छ ।
त्यस्तै, वैकल्पिक सदस्यमा टिना अदै, भीममाया नेपाली, निशान श्रेष्ठ, लीला कुँवर चयन हुनुभएको छ ।
भेलाले सुरेश आचार्य, वसन्त आचार्य, सुदीप पौडेल चयन हुनुभएको छ ।
भेलामा प्रमुख अतिथिको आसनबाट बोल्दै अखिल (छैठौं) का महासचिव सुवास जिसीले विद्यार्थी राजनीतिमा अखिल (छैठौं) ले खेलेको भूमिका “विद्यालयदेखि विश्वविद्यालयसम्म” अभियानको सफल बनाउन विद्यार्थीको भूमिका, राष्ट्रियता, गणतन्त्रको रक्षा गर्ने जिम्मेवारी विद्यार्थीको काँधमा आएको स्पष्ट पार्नुभएको थियो ।
वक्ताहरूले अखिल (छैठौं) ले विद्यार्थीहरू बिचमा गएर शैक्षिक विकृति, विद्यार्थीको हक–अधिकारको विषयमा स्पष्ट पारेर विद्यार्थीहरूलाई अखिल (छैठौं) मा आबद्ध गर्नुपर्ने आवश्यकता रहेको बताउनुभएको थियो ।
भेलामा जातीय समता समाजका अध्यक्ष राजेश विक, अखिल नेपाल बुद्धिजीवी सङ्घका केन्द्रीय सचिवालय सदस्य दुर्गानाथ खरेल, राजमो रुपन्देहीका सचिव टानबहादुर केसी, अखिल (छैठौं) का पूर्व महासचिव सुरेश थापा, कम्युनिस्ट सङ्ग्रहालयका अध्यक्ष चेतनाथ आचार्य, राजमो लुम्बिनी प्रदेश कार्यालयको तर्फबाट भीमलाल न्यौपानेलगायत अखिल (छैठौं) का केन्द्रीय नेताहरूको आतिथ्यता रहेको थियो ।
कार्यक्रममा विभिन्न विषयमा सुरेश थापा, दुर्गानाथ खरेल र सुवास जिसीले प्रशिक्षण दिनुभएको थियो ।
अखिल (छैठौं) का केन्द्रीय सदस्य खगेन्द्रा विष्टको अध्यक्षता, केन्द्रीय सचिव सरोजमान सिंहको सञ्चालनमा अघि बढेको कार्यक्रममा केन्द्रीय सदस्य तथा रुपन्देही जिल्लाध्यक्ष सागर बेल्बासेले स्वागत मन्तव्य राख्नुभएको थियो ।
