काठमाडौँ । राष्ट्रिय जनमोर्चाका नेता आनन्द शर्मा पितृशोकमा पर्नुभएको छ ।

शर्माका पिता विष्णुदत्त पाध्याको ८२ वर्षको उमेरमा २०७८ साल मङ्सिर ११ गते बिहान आफ्नै निवास जैमुनी–७ जैदी बागलुङमा निधन भएपछि उहाँ शोकमा पर्नुभएको थियो ।

शर्माका पिता विष्णुदत्त पाध्याको कात्तिक महिनादेखि काठमाडौँ टिचिङ अस्पतालमा उपचार भइरहेको थियो । उहाँ क्यान्सरबाट पीडित हुनुहुन्थ्यो । उपचारको क्रममा सुधार नभएपछि मङ्सिर १० गते उहाँलाई काठमाडौँबाट बागलुङ लगिएको थियो ।

उहाँको आजै कालीगण्डकी किनारमा दाहसंस्कार गरिने भएको छ ।

मृतक पाध्याका श्रीमती र आनन्द शर्मासहितका चार छोराहरू हुनुहुन्छ ।