परासी । अखिल नेपाल जनजाति सम्मेलन सुनवल नगरको भेला सम्पन्न भएको छ ।
सम्मेलनका केन्द्रीय सल्लाहकार रेम रानाको प्रमुख आतिथ्यतामा २०७८ मङ्सिर ४ गते भेला सम्पन्न भएको हो ।
कार्यक्रममा प्रमुख अतिथि रेम रानाले आदिवासी जनजाति र समसामयिक राजनीतिक विषयमा शुभकामनासहित महत्त्वपूर्ण मन्तव्य राख्नुभएको थियो ।
त्यसैगरी कार्यक्रममा अन्य अतिथिहरू राष्ट्रिय जनमोर्चा लुम्बिनी प्रदेश समितिका सदस्य तिलकप्रसाद सुवेदी, जनजाति सम्मेलन नवलपरासीका जिल्ला अध्यक्ष शेरबहादुर सूर्यवंशी, नेकपा (मसाल) नवलपरासीका प्रवक्ता धनपति सापकोटा, राजमो नवलपरासीका जिल्लाध्यक्ष किसनबहादुर अधिकारी, अखिल नेपाल किसान महासङ्घका जिल्लाध्यक्ष जितबहादुर पौडेल, अखिल नेपाल महिला सङ्घकी जिल्ला सचिव मनरुपा रानाले शुभकामना मन्तव्य व्यक्त गर्नुभएको थियो ।
देविराम सरभुजाको अध्यक्षता र धनमाया थापाको सञ्चालन रहेको सो कार्यक्रममा कृष्णबहादुर थापाले स्वागत मन्तव्य राख्नुभएको थियो ।
भेलाले कृष्णबहादुर थापाको अध्यक्षतामा ११ सदस्यीय नगर समिति गठन गरेको छ । समितिमा उपाध्यक्ष युगबहादुर पुन, सचिवमा यमबहादुर थापा, सहसचिवमा होमबहादुर थापा, कोषाध्यक्षमा श्रीप्रसाद सरभुजा, सदस्यमा दुधबहादुर थापा, गङ्गाबहादुर थापा, धनराज बुढाथोकी र नरबहादुर रानालगायत रहनुभएको छ ।
