दाङ । दाङको राप्ती गाउँपालिकामा अखिल नेपाल महिला सङ्घको भेला सम्पन्न भएको छ । महिला सङ्घकी केन्द्रीय सदस्य तथा दाङ जिल्लाध्यक्ष पूर्णिमा आचार्यको उद्घाटनसँगै सो भेला सम्पन्न भएको हो ।
२०७८ कात्तिक १३ गते सम्पन्न उक्त भेलालाई अखिल नेपाल किसान महासङ्घ (अप्फा) का केन्द्रीय कोषाध्यक्ष प्रेमनारायण आचार्य, अखिल नेपाल बुद्धिजीवी सङ्घका केन्द्रीय सदस्य केशवराज खनाल, राजमो जिल्ला सदस्य तथा राप्ती गाउँपालिका उपाध्यक्ष ठाकुरप्रसाद आचार्य, अखिल नेपाल जनजाति सम्मेलन राप्ती गाउँपालिका सचिव मनबहादुर पुन, राजमो नेता शमशेर केसी, अखिल नेपाल राष्ट्रिय उद्योग वाणिज्य सङ्घकी बिजुला केसी र महिला सङ्घकी जिल्ला सल्लाहकार हुमा मास्केले शुभकामना दिनुभएको थियो ।
भेलाले कृष्ण पोख्रेलको अध्यक्षतामा हस्ता आचार्य उपाध्यक्ष, चम्पा भुसाल सचिव र बिजुला केसी कोषाध्यक्ष रहेको गाउँपालिका समिति गठन गरेको छ । समितिको सदस्यमा हुमा आचार्य, बिनु गुरुङ, उमा भट्टराई, खगिसरा चौधरी, राममाया श्रेष्ठ, गौरी पौडेल र सरिता सुवेदी रहनुभएको छ ।
एवम् प्रकारले वैकल्पिक सदस्यमा कल्पना सुनार र विष्णा भट्टराई तथा सल्लाहकारमा कमला बेलबासे, शान्ता आचार्य, शर्मिला अधिकारी र प्रेमा जिसी रहनुभएको छ ।
भेलाको अध्यक्षता कमला बेलबासेले, सञ्चालन चम्पा भुसालले र स्वागत कृष्ण पोख्रेलले गर्नुभएको थियो ।
