काठमाडौं । नेपाल कम्युनिष्ट पार्टी (मसाल) ले गुटबन्दीमार्फत पार्टी कब्जा गर्न असफल भएपछि फुटपरस्त तत्वहरु प्रकट रुपमै पार्टीमा फुट पार्न सक्रिय भएको बताएको छ । दुई वर्षभन्दा अघिदेखि पार्टी कब्जा गर्ने सुनियोजित षडयन्त्र असफल भएपछि उक्त समूह अब प्रकट रुपमा पार्टीमा फुट ल्याउन अग्रसर भएको मसालको ठहर छ ।
मसालले आठौं महाधिवेशनको तयारीदेखि नै केही तत्वहरु पार्टी कब्जा गर्ने र त्यो सफल नभएमा पार्टीमा फुट पार्ने सुनियोजित षडयन्त्रमा लागेको भन्दै पार्टी कब्जा गर्न असफल भएपछि बेग्लै समितिहरु बनाउन थालेको बताएको हो । सुदूरपश्चिममा अलग समिति बनाएर प्रकट रुपमा आएको फुटपरस्त तत्वले अब देशका विभिन्न भाग र प्रवासमा समेत आफ्ना गतिविधि प्रकट रुपमै गर्न थालेको मसालले जनाएको छ ।
यस्तै, मसालले यसअघि पार्टीबाट फुटेर जानेहरुले सुरुमा क्रान्तिकारी कुरा गरेर पछि दक्षिणपन्थी दिशा समात्ने गरेकोमा अहिलेका फुटपरस्त तत्वहरुले सुरुमै प्रतिगामी दिशा समातेको बताएको छ ।
बुधबार महामन्त्री मोहनविक्रम सिंहले प्रकाशित गर्नुभएको वक्तव्यमा भनिएको छ, ‘कतिपय देशहरूमा र नेपालको बेग्लाबेग्लै कालखण्डमा ‘वामपन्थी’ संकीर्णतावादले उग्रवामपन्थी दिशा लिने गरेको छ, जस्तै कि पूर्व माले र माओवादीहरूको उग्र ‘वामपन्थी’ भड्काव । तर त्यसको पतनअन्तमा दक्षिणपन्थी अवसरवादमा भयो । तर अहिलेका नयाँ फुटपरस्त तत्वहरूको ‘वामपन्थी’ संकीर्णतावादले प्रारम्भमा नै प्रतिगामी दिशा समात्न थालेको देखिएको छ ।’
यस्तो छ, वक्तव्य
