गणेश अधिकारी, पोखरा ।
कास्कीमा अखिल (छैठौं) को सोह्रौँ जिल्ला सम्मेलन सम्पन्न भएको छ । राष्ट्रिय जनमोर्चाका अध्यक्ष चित्रबहादुर केसीको प्रशिक्षणका साथै सो सम्मेलन सम्पन्न भएको हो ।
२०७८ असोज १६ गते सम्पन्न सो सम्मेलनमा अखिल (छैठौं) का पूर्वकेन्द्रीय अध्यक्ष कृष्ण अधिकारीले पनि प्रशिक्षण दिनुभएको थियो ।
सम्मेलनले सोमनाथ अधिकारीको नेतृत्वमा १३ पूर्ण दुई स्थान रिक्तसहित १५ सदस्यीय जिल्ला समिति चयन गरेको छ । समितिको उपाध्यक्षमा सुयना शर्मा, सचिवमा सुमन ढकाल, सहसचिवमा अर्चना सुवेदी र कोषाध्यक्षमा अमृत सुनुवार रहनुभएको छ ।
त्यस्तै, सदस्यमा दीप्ती बराल, विवेक अधिकारी, सिर्जना सुवेदी, साहस बराल, पूजा सुवेदी, विवेक पौडेल, दिवस पौडेल र दुई स्थान रिक्त रहेको छ ।
सम्मेलनले दानबहादुर सारूमगर, कृष्ण चोखाल, प्रताप पौडेल र बबिन शर्मालाई सल्लाहकारमा चयन गरेको छ ।
सम्मेलनले जिल्ला सङ्गठक सदस्यसमेत बनाएको जानकारी दिइएको छ ।
सम्मेलनको उद्घाटन प्रमुख अतिथि युनियनका केन्द्रीय उपाध्यक्ष गणेश अधिकारीले गर्नुको भएको थियो ।
त्यस्तै, शुभकामना मन्तव्य राख्नुहुने अन्य विशेष अतिथिहरूमा राष्ट्रिय जनमोर्चा गण्डकी प्रदेश अध्यक्ष शङ्कर बराल, नेकपा (मसाल) कास्कीका प्रवक्ता चन्द्रबहादुर केसी, राष्टिय जनमोर्चा कास्कीका अध्यक्ष रविमोहन ढकाल, नगर अध्यक्ष विष्णु पुरी, अखिल नेपाल युवक सङ्घका जिल्लाध्यक्ष विक्रम थापा, अखिल नेपाल व्यापार सङ्घका जिल्लाध्यक्ष सन्तोष पौडेल, अखिल नेपाल बुद्धिजीवी सङ्घका जिल्ला सचिव प्रबिन पौडेल, अखिल (छैठांै) का केन्द्रीय सदस्य इन्द्रमणि पान्डेलगायतका नेताहरूले शुभकामना दिनुभएको थियो ।
उद्घाटन सत्रको सभापतित्व दानबहादुर सारूमगर, स्वागत मन्तव्य कृष्ण चोखाल र सञ्चालन प्रताप पौडेलले गर्नुभएको थियो ।
