काठमाडौँ । अखिल नेपाल प्रगतिशील लेखक सङ्घ (अन्पा) का अध्यक्ष डा. गोविन्द आचार्य मातृशोकमा पर्नुभएको छ ।
८७ वर्षीय आमा जानकादेवी आचार्यको २०७८ असोज १० गते बिहान ११ बजे कपिलवस्तुको बाणगङ्गा–३ गजेहडा कर्महनामा निधन भएपछि डा. आचार्य शोकमा पर्नुभएको हो ।
डा. आचार्यका अनुसार आमा जानकादेवी लामो समयदेखि दमको रोगी हुनुहुन्थ्यो ।
उहाँको असोज ११ गते कपिलवस्तुको त्रिवेणीघाटमा दाहसंस्कार गरिएको छ ।
आमा जानकादेवीका दुई छोरा बाबुराम आचार्य र डा. गोविन्द आचार्य तथा छोरीहरू कमला आचार्य भट्टराई, द्रोण आचार्य र विष्णु आचार्य रहनुभएको छ ।
अन्पाद्वारा शोक व्यक्त
यसैबिच, अन्पाले असोज ११ गते नै शोकवक्तव्य जारी गर्दै अध्यक्ष डा. आचार्यसमेतकी ममतामयी आमा जानकादेवी आचार्यको निधन भएकोमा शोक व्यक्त गरेको छ ।
का.वा. महासचिव प्रकाश थापामगरको हस्ताक्षरमा जारी शोकवक्तव्यमा भनिएको छ– “हाम्रा संस्थाका अध्यक्ष डा. गोविन्द आचार्यसमेतकी आमा जानकादेवी आचार्यको २०७८ असोज १० गते कपिलवस्तुमा निधन भएकोमा उहाँप्रति भावपूर्ण श्रद्धाञ्जली तथा शोकसन्तप्त परिवारप्रति समवेदना प्रकट गर्दछौँ ।”
