जीवन शाही, सुर्खेत ।
राष्ट्रिय जनमोर्चा सुर्खेतका अध्यक्ष गोविन्द प्रसाद सुवेदी पुत्र वियोगमा पर्नुभएको छ । अध्यक्ष सुवेदीका जेठा छोरा ओम प्रकाश सुवेदीको मंगलबार काठमाडौंमा उपचारको क्रममा निधन भएको हो ।

सुर्खेतका सामाजिक अभियन्ता सुवेदी समाज जागरण केन्द्र स्याक नेपालका सस्थापक ग्रामिण जागरण सहकारीका अध्यक्ष, साहारा क्याम्पसका अध्यक्ष, जिल्ला बाल संगठन सुर्खेतका अध्यक्ष, सुवेदी कल्याण प्रतिष्ठानका अध्यक्षलगायत विभिन्न सामाजिक जिम्मेवारीमा हुनुहुन्थ्यो ।

सुवेदीको अन्तिम संस्कारका लागि बिहीबार विहान शव सुर्खेत ल्याइएको छ ।

वीरेन्द्रनगर–११ नेवारेमा उहाँ आवद्ध संघ संस्थाका पदाधिकारी, आफन्तजन, शुभचिन्तकहरुले अन्तिम श्रद्धाञ्जली दिएका छन् । उहाँको आजै भेरी स्थित समौझीघाटमा अन्तिम दाहसंस्कार गरिने मृतकका आफन्तले जनाएका छन् ।