तिलक थापा, बागलुङ ।
राष्ट्रिय जनमोर्चा काठेखोला गाउँ समितिले काठेखोला गाउँपालिका–४ तंग्राम निवासी लिलाराम कँडेलप्रति श्रद्धाञ्जली अर्पण गरेको छ । आइतबार राजमोले एक कार्यक्रम आयोजना गरी श्रद्धाञ्जली अर्पण गरेको हो ।
राजमो गाउँ समितिका कोषाध्यक्ष एवं वडा समिति तंग्रामका अध्यक्ष बिष्णु कँडेल, राजमो कार्यकर्ता कृष्ण कँडेल, तुल्सीराम कँडेल र भरत कँडेलका पिता लिलाराम कँडेलको ७० वर्षको उमेरमा साउन २४ गते निधन भएको थियो ।
कार्यक्रममा राष्ट्रिय जनमोर्चा बागलुङका अध्यक्ष अमर थापा, अखिल नेपाल युवक संघका पूर्वकेन्द्रीय अध्यक्ष तथा सल्लाहकार तिलक थापा, अखिल नेपाल जनजाति सम्मेलन बागलुङका उपाध्यक्ष ओम बहादुर पुन, राष्ट्रिय जनमोर्चा काठेखोलाका सचिव टिका संगम विक, अखिल नेपाल किसान संघ बागलुङका सदस्य दिल बहादुर पुन, राष्ट्रिय जनमोर्चा तंग्रामका उपाध्यक्ष थिर बहादुर राना, सचिव सस बहादुर विक, सदस्यहरु थमन पुन, नरबहादुर थापा, भिम जोल्मी, पूर्णबहादुर पुन, मन बहादुर थापा लगायत राजमो तंग्रामका कार्यकर्ताहरूले श्रद्धाञ्जली दिनुभएको थियो ।
श्रद्धाञ्जली कार्यक्रमको सञ्चालन राष्ट्रिय जनमोर्चा काठेखोलाका अध्यक्ष लक्ष्मण पुनले गर्नु भएको थियो ।
